5 mausym künı Nūr-Sūltan qalasynyŋ äkımı Baqyt Sūltanov pen QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ töraǧasy Alik Şpekbaev iQala qyzmetter ortalyǧynyŋ aşyluyna qatysyp, saltanatty jaǧdaida onyŋ taspasyn kestı.
– Bızdıŋ IQala jobamyz bır ǧana maqsatty – tūrǧyndardyŋ memlekettık qyzmet aludaǧy prosesterın barynşa oŋailatudy közdeidı. Azamattar būdan bylai qyzmetter men keŋester alu, mör bastyru üşın türlı munisipaldy mekemelerge baryp jürmeidı. «Bır terezege» jügınıp, barlyq şaruasyn sol arqyly tyndyra alady,– dedı bıregei Tūtynuşylarǧa qyzmet körsetu ortalyǧynyŋ aşyluy kezınde qala äkımı Baqyt Tūrlyhanūly. –IQala – būl tūrǧyndar men qala bilıgı – atqaruşy organdar, qalalyq jäne kommunaldyq qyzmetter, biznestı qoldau instituttary arasynda özara ıs-qimyldyŋ jaŋa formaty. IQala alaŋy – qaladaǧy qyzmetterdıŋ bır jerge şoǧyrlandyratyn integratory bolyp tabylady.
Qala äkımı Baqyt Sūltanov pen agenttık basşysy Alik Şpekbaev jaŋa ortalyqtyŋ tehnikalyq mümkındıkterımen tanysyp, mūnda tūrǧyndardyŋ barlyq sanattaǧy toptaryna qyzmet körsetuge qolaily ärı jaily ekendıgıne köz jetkızdı.
Atalǧan şara «Astana – adaldyq alaŋy» jobasy şeŋberınde ıske asyryldy. Keŋse «qala bilıgı – tūrǧyndar» qarym-qatynasynan tuyndaityn tūrmystyq jemqorlyqty joiyp qana qoimai, sifrlandyru salasynda zamanaui tehnologiialardy qoldana otyryp, qalalyqtardyŋ ömırın jaqsartuǧa mümkındık beredı.
Aita keteiık, «Astana – adaldyq alaŋy» jobasy 2018 jyly säulet, qala qūrylysy jäne jer qatynastary mäselelerı boiynşa ūsynylatyn qyzmetterdıŋ biznes-prosesterıne taldau jasaǧan bolatyn.
«Taldau nätijesı osy salada körsetıletın qyzmetterdıŋ qosarlanǧan qūjattar ainalymy, tūtynuşymen tıkelei bailanys jasaluy, köptegen äkımşılık tosqauyldar qoiyluy, qyzmetterdıŋ ūzaq merzımdılıgı men tärtıpterdıŋ oryndalmauy oryn alatyndyǧyn jäne tūrǧyndar üşın jaisyzdyqtar tuǧyzatyn jaǧdailardyŋ kezdesetındıgın körsettı» dedı QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgı astanalyq departamentınıŋ basşysy Jazira Jylqyşieva.
Departament basşysy, sondai-aq ötken jyldyŋ şılde aiynda bıryŋǧai ortalyq qūru jäne onda qyzmet körsetu prosesterıne qatysatyn barlyq mekemelerdı toptastyru turaly bastama köterılgendıgın atap öttı. Mūnda tūrǧyndar men ŞOB ökılderıne memlekettık jäne memlekettık emes qyzmetterdı alu meilınşe oŋtailandyrylady.
Qyzmet ortalyǧy qala äkımdıgınıŋ bastamasymen jäne Memlekettık agenttıktıŋ qoldauymen «Astana – adaldyq alaŋy» jobasynyŋ aiasynda qūryldy.
– IQala jūmysynyŋ nätijesınde astanalyq mekemelerdıŋ qyzmet körsetu tiımdılıgı artady, onyŋ prosesterı jeŋıldetıledı, barlyq operasiialar aşyq ärı aiqyn jürgızıledı» dep atap öttı bastamany jüzege asyruşy «Astana ÄKK» AQ Basqarma töraǧasynyŋ bırınşı orynbasary Temırlan Nūrǧisaev.
Bügınde mūnda tūrǧyn üi-kommunaldyq qyzmetter men käsıpkerlıkke qoldau körsetu instituttarynyŋ 15 negızgı keŋes beru qyzmetı şoǧyrlandyrylǧan. Äkımnıŋ aituynşa, bıregei ortalyq jyl aiaǧyna deiın 25 kompaniiany toptastyryp, barlyǧy 130 türlı qyzmet körsetetın bolady. Ötınış beruşıge memlekettık organdar men tūrǧyn üi-kommunaldyq qyzmetterdıŋ 45 türı boiynşa qyzmet aluǧa qolaily bolu üşın Ötınışter formasy jüiesı äzırlenıp ıske qosyldy. Sonymen qatar, atalǧan öndırısterdı ıske qosu üşın operatorlardy oqytu jūmystary jürgızılıp jatyr.
Däulet ASAUOV
