Keşe Nūr-Sūltan qalasyndaǧy Dostyq üiınde Qazaqstan halqy Assambleiasy Töraǧasynyŋ orynbasary Janseiıt Tüimebaev İtaliia Parlamentı deputattar palatasynyŋ deputaty Emanuela Rossinimen kezdestı.
Kezdesu barysynda Elbasy Nūrsūltan Nazarbaevtyŋ qoǧamdyq kelısım men ūlttyq bırlıktıŋ qazaqstandyq modelı, sondai-aq Nūr-Sūltan qalasynyŋ Dostyq üiı men etnomädeni bırlestıkterdıŋ jūmysy tanystyrylyp, Qazaqstan men İtaliia arasyndaǧy mädeni-gumanitarlyq yntymaqtastyq aiasynda ekıjaqty bailanystardy nyǧaitu jäne keŋeitu mäselelerı talqylady.
Ekı jaqty kezdesude Janseiıt Tüimebaev Qazaqstan Assambleiasynyŋ qūryluy, örkendeu barysyn jäne onyŋ Qazaqstannyŋ ornyqty damuynda atqaryp otyrǧan maŋyzdy rölın atap ötse,
Emanuela Rossini Qazaqstandaǧy bırlık pen berekenıŋ körınısı bolǧan Assambleianyŋ maŋyzyn joǧary baǧalady.
«Keşeden berı joǧary oqu oryndaǧy, mektepterdegı bılım beru jaǧdaiymen tanystym. Būl elde jas jetkınşekterdıŋ bılım aluyna jaqsy mümkındık jasalǧan. Al Assambleia jaily aitsaq, köpūltty Qazaqstanda barlyq ūlttyŋ müddesı tolyq qamtamasyz etılıp, olardyŋ öz mädenietın, ūlttyq erekşelıgın saqtauǧa köp mümkındık berılgen» dedı İtaliialyq deputat.
