Jas rejisser Raiymbek Äljanovtyŋ «Mergen» atty qysqametrajdy filmı janrlyq kinolarǧa arnalǧan älemdegı bedeldı festivalderdıŋ bırı – halyqaralyq Fantasia kinofestivalıne qatysady. Atalǧan kino baiqauy tamyzdyŋ 5-ı men 25-ı aralyǧynda Kanadada ötedı.
Kinotuyndyny QR Mädeniet jäne sport ministrlıgı tapsyrysy boiynşa «Ūlttyq kinony qoldau ortalyǧy» KEAQ qoldauymen Ş.Aimanov atyndaǧy «Qazaqfilm» AQ tüsırgen. Montajdau jūmystary aiaqtala salysymen film osy baiqauǧa jıberıldı.
Filmnıŋ oqiǧasy XVII ǧasyrdaǧy Ūly daladaǧy soǧys kezınde örbidı. Atalǧan filmde jas ta bolsa, qolyna qaru alyp, otbasyn qorǧauǧa bel buǧan Mergen esımdı balanyŋ ömırı baiandalady. Filmdegı basty röldı Älihan Äbi somdaidy. Sondai-aq būl kartinaǧa Raihan Aitqojanova jäne Dulyǧa Aqmolda syndy tanymal akterler tüsken. Filmnıŋ tüsıru jūmystary Almaty oblysyndaǧy Türgen şatqalynda jäne «Qazaqfilmnıŋ» pavilondarynda jürgızıldı.
