23 mausym Qazaqstanda memlekettık qyzmetkerler künı bolyp belgılengen. Osyǧan orai, QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Astana qalasy boiynşa departamentı üzdık memleket qyzmetkerlerdı käsıbi merekemen qūttyqtap, marapattady.
Jiyndy bastaǧan departament basşysy Tılegen Qaskin:
– Elımızdıŋ zor jetıstıkterge jetuınde memlekettık qyzmetkerlerdıŋ eŋbegı az emes. Olar jüktelgen mındetterın käsıbi deŋgeide atqaryp, egemendı elımızdıŋ damu jolynda öz ülesterın qosuda. Prezidentımızdıŋ «100 naqty qadam» Ūlt josparynda, «Qazaqstan-2050» Strategiiasynda jäne halyqqa arnaǧan Joldauynda älemnıŋ eŋ damyǧan, bäsekege qabılettı 30 memlekettıŋ qataryna enu basty maqsat ekendıgın aitady. Elımızdıŋ bolaşaǧyna adal qyzmet etu üşın memlekettık qyzmetkerlerdıŋ käsıbi deŋgeiın joǧarylatyp, halyqtyŋ olarǧa degen senımın arttyru kerek, – dei kele memleket qyzmettıŋ ülken jauapkerşılıktı talap etetın maŋyzdy sala ekendıgın jetkızdı. Söz soŋynda T.Qaskin memlekettık qyzmetkerlerdı meiramymen qūttyqtap, jūmystaryna tabys tıledı.
Merekelık şarada elımızdıŋ tūraqty damuy men memlekettık qyzmet bedelın köteruge qosyp jürgen ülesı üşın bırqatar basqarma basşylarynyŋ eŋbegı elendı. Marapattalǧandardyŋ qatarynda Astana qalasy Işkı saiasat basqarmasynyŋ basşysy Erlan Qanalimov, Esıl audany äkımı apparatynyŋ bölım basşysy Ruslanbek Qoibakov, Astana qalasy Memlekettık säulet-qūrylys baqylau basqarmasynyŋ basşysy Tölegen Qūlūşev, Astana qalasy Memlekettık säulet-qūrylys baqylau basqarmasynyŋ bölım basşysy Samal Külbatyrova bar. Sondai-aq, agenttıktıŋ alǧys hatymen Astana qalasy Mädeniet, mūraǧattar jäne qūjattama basqarmasynyŋ basşysy Bolat Majaǧūlov, Astana qalasy Ekonomika jäne biudjettık josparlau basqarmasynyŋ bölım basşysy Dinara Omarova, Astana qalasy Energetika basqarmasynyŋ bölım basşysy Maqsat Esmaǧūlov, Astana qalasy Energetika basqarmasynyŋ basşysy Baqtybek Japaev marapattaldy.
Agenttıktıŋ Astana qalasyndaǧy departamentınıŋ alǧys hattarymen Astana qalasy äkımdıgınıŋ ökılderınen bölek, ärtürlı memlekettık qūrylymdardyŋ 34 qyzmetkerı marapattaldy.Sondai-aq, Tılegen Qasqin Esıl audanynyŋ äkımdıgınde taǧy 10 adamdy qūttyqtady. Olar – Ermaǧanbet Bölekpaev, Ädılbek Särsembaev, Qairat Qojamjarov, Rysgül Qauǧabaeva, Talǧat Rysbekov, Älışer Äbdıqadyrov, Berık Marjyqpaev, Ashat Oralov, Daniiar Esin jäne Ersın Ötebaev.
Güldana Talǧatqyzy
