Mäjılıs deputattary «Önerkäsıptık saiasat turaly» zaŋ jobasyn bırınşı oqylymda ılespe tüzetulerımen maqūldady. Palata spikerı Nūrlan Nyǧmatulin atalǧan qūjat öŋdeu önerkäsıbın damytu jäne önerkäsıp salasynyŋ investisiialyq tartymdylyǧy men eksporttyq äleuetın arttyruǧa baǧyttalǧanyn atap öttı.
Osy qūjattaǧy jaŋalyqtarynyŋ bırı – memlekettık qoldau şaralaryn aluşy käsıporyndar üşın qarsy mındettemelerdı belgıleu. Iаǧni memleket investisiialanǧan aqşadan naqty nätije kütuge qūqyly. Būl rette Mäjılıs töraǧasy Nūrlan Nyǧmatulin memlekettık qoldau şaralaryn alu kezınde bizneske mümkın emes mındettemelerdı jüktemeu kerektıgıne nazar audardy.
«Mäselen, memleketten qoldau kütken käsıpker öz biznesın qalai josparlaidy? Öitkenı ol özınen ne talap etıletının bılmeidı ǧoi. Osy zaŋ jobasy ükımettık nūsqasynda da anyq körsetılıp tūr. Käsıpker qataŋ talaptan qūtylu üşın şeneunıktıŋ aldyna baryp, ötınış jasauyna tura keledı. Ärı qarai tüsınıktı. Şeneunıkke eşqandai baqylausyz şeşım qabyldauǧa mümkındık ber, bırden sybailastyq qūqyq būzuşylyqqa jol aşady. Sondyqtan būl normany ükımettık nūsqa boiynşa qaldyruǧa bolmaidy» dedı Mäjılıs töraǧasy.
Sonymen qatar Nūrlan Nyǧmatulin memlekettık qoldauǧa jügıngen käsıpkerlerge talapty qataŋdatuǧa bolmaitynyna nazar audardy. Osyǧan säikes, jūmys tobyna jauapty ministrlıkpen bırge ekınşı oqylymǧa deiın tiıstı mındettemeler jönındegı normany naqty, anyq jäne tüsınıktı etıp tolyqtyru qajettıgın aitty.
