Elordada sanitarlyq-epidemiologiialyq sala mamandary men Nūr-Sūltan qalasynyŋ İnvestisiialar jäne käsıpkerlıktı damytu basqarmasy bırlesıp karantin tärtıbınıŋ jeŋıldeuıne orai käsıpkerlık qyzmettıŋ bırqatar nysandaryn aralady. Käsıporyndardyŋ jūmysyn jandandyruǧa daiyndyǧyn tekserdı.
Mobildı top «Tehnodom» tūrmystyq tehnika jäne elektronika dükenı, «Han şatyr» sauda oiyn-sauyq ortalyǧy, «FERRUM» meiramhanasy, «Keramika älemı» sauda orny men «Aisha Bibi» qonaq üiın aralap, atalmyş nysandarda sanitarlyq qorǧanys qūraldarynyŋ (sanitaizerler, teplovizorlar, maskalar jäne t.b.) bar-joǧy jäne tiıstı talaptardyŋ oryndaluyn tekserdı, barlyq sanitarlyq talaptar boiynşa tüsındıru jūmystaryn jürgızdı.
«Bız bas sanitardyŋ qaulysyna baǧynamyz, qonaqtar men qyzmetkerlerge betperde beremız, barlyq jerde sanitarlyq qorǧanys qūraldary ornatylatyn bolady. Bügın aitylǧan ūsynystar men eskertpeler – bız üşın maŋyzdy. Bettūmşa taǧu tärtıbın qadaǧalap otyru qajet. Sauda ornynyŋ syiymdylyǧy 30 paiyzdan aspaityn bolady» dedı «Tehnodom» dükenı qalalyq bölımşeler bırı direktory Bötagöz Baimūhan.
Mobildı top müşelerı kelesı kezekte «Han şatyr» sauda oiyn-sauyq ortalyǧyna jol tartty. «Sauda üiıne kıre berıste özdıgınen jūmys ısteitın temperaturany baqylauǧa arnalǧan qūrylǧy ornatylǧan. Bügınde saǧat 17:00-ge deiın qyzmet körsetıledı, därıhana men supermarket qana jūmys ıstep jatyr» dedı «Han şatyr» sauda oiyn-sauyq ortalyǧynyŋ operasiialyq menedjerı Temırbek Şoqanov.
Sondai-aq onyŋ aituynşa, dezinfeksiia jürgızetın kompaniiamen qosymşa şart jasalypty. Demalys künderı ortalyqta auqymdy dezinfeksiia jūmystary jürgızılmek.
Al «FERRUM» meiramhanasynda arnaiy mamandar qyzmetkerlerge jūmys ısteu algoritmı men sanitarlyq-epidemiologiialyq talaptardyŋ saqtaluyn tüsındırdı.
«Bız qonaqtardyŋ äleumettık araqaşyqtyqty saqtauy üşın edenge arnaiy belgıler ornattyq. Eger olar betperdesız bolsa, bır rettık maskany ūsynamyz, temperaturasyn ölşeimız. Dene temperaturasy 37 gradustan joǧary bolsa, ışke kıre almaidy. Keşırım sūrap, sypaiy türde meiramhanadan şyǧyp ketuın ötınemız. Zal 40 adamǧa eseptelgen, bıraq qazır 24 orynǧa deiın qysqardy» deidı «FERRUM» meiramhanasynyŋ äkımşısı Rauşan Äşımhan.
«Aisha Bibi» qonaq üiınıŋ basqaruşy direktory Natalia Soi sanitarlyq-epidemiologiialyq talaptardyŋ saqtalatynyna sendırdı. Aitylǧan syn-eskertpelerge qūlaq asyp, az uaqytta jönge keltıretının aitty. «Bızde antiseptikter men maskalardyŋ sapasyna arnalǧan arnaiy sertifikattar bar, tek qana tekserılgen medisinalyq antiseptiktı qoldanamyz. Bügınde qonaq üide 15-ke juyq qyzmetker jūmys ısteidı. Keluşıler az, banket zaly jabyq, tek jazǧy terrasa jūmys ısteidı. Jazǧy terrasada 30-dan asa oryndyq qoiylǧan, mūny retteimız. Araqaşyqtyq saqtalmaǧan oryndardy jönge keltıremız» dedı ol.
«Keramika älemı» sauda ornynyŋ jetekşısı barlyq talaptarǧa sai jūmys ıstep jatqanyn jetkızdı. «Düken qyzmetkerlerı, keluşıler barlyq sanitarlyq talaptardy saqtaidy. Adamdardyŋ aǧyny az. Qazır 10 qyzmetker jūmys ısteidı, auysym boiynşa kezektesedı, sanitaizerler men antiseptikter ornatyldy. Satyp aluşylardyŋ äleumettık araqaşyqtyqty saqtauy üşın edenge arnaiy belgıler ornatu qajet, ony tez arada tüzetemız» dep uäde berdı sauda üiınıŋ direktory Korkmazova Möldır.
«Bügın bız biznes nysandarynyŋ jūmysymen tanystyq, sanitarlyq talaptardyŋ saqtaluyna baqylau jürgızdık. Qazırgı kezde epidahual jaqsaryp keledı. Sondyqtan qalalalyq biznes nysandary bas sanitar men memlekettık komissiia şeşım şyǧarǧan soŋ, jūmysyn jandandyrady. Memlekettık komissiianyŋ soŋǧy şeşımınen keiın qai käsıporyndardyŋ qaitadan jūmys ısteitını belgılı bolady. Bügın aldyn ala tekserdık, tüsındıru jūmystaryn jürgızemız» dedı Nūr-Sūltan qalasy İnvestisiialar jäne käsıpkerlıktı damytu basqarmasynyŋ basşysy Erlan Bekmyrzaev.
Onyŋ aituynşa, elordalyq biznes nysandary karantin tärtıbınıŋ kezeŋ-kezeŋımen jeŋıldeuıne orai daiyndyq jūmystaryn jürgızude. «Sanitarlyq-epidemiologiialyq sala mamandarymen bırge kemşılıkter anyqtaldy. Ony tüzetuge de uaqyt bar. Menıŋ oiymşa, är käsıpker koronavirus qaupın tüsınedı jäne sanitarlyq talaptardy saqtauǧa jauapkerşılıkpen qaraidy. Al qala tūrǧyndary atalǧan talaptarǧa baǧynu qajet» dep tüiındedı Erlan Bekmyrzaev.
Naima NŪRALYQYZY
