Jaŋa äleumettık nysandardyŋ qūrylysymen qatar qaladaǧy ǧimarattarǧa da nazar audaru qajet. Biyl bas qaladaǧy bılım beretın 26 mekemede kürdelı jäne aǧymdaǧy jöndeu jūmystary jürgızıledı. Būl turaly Nūr-Sūltan qalasynyŋ äkımı Altai Kölgınov mälım ettı.
«Olardyŋ qataryna mektepter, kolledjder, balabaqşalar jatady. Nysandardy jöndeu jūmystarynyŋ basym bölıgın «Jūmyspen qamtudyŋ jol kartasy» baǧdarlamasy aiasynda jüzege asyramyz. Būl jaŋa jūmys oryndaryn aşuǧa mümkındık beredı. Mäselen, «Joǧary kölık jäne kommunikasiia kolledjı» ǧimaraty 75 jyl būryn salynǧan. Mūnda ǧimarattyŋ qasbetı boĭynşa jöndeu jūmystary jürgızılıp, 130-dan asa tereze auystyryldy. Kolledj naryqta sūranysqa ie mamandardy şyǧarady. Mysaly, mekemede elektrmen jabdyqtau, tasymaldaudy ūĭymdastyru jäne temırjol kölıgındegı qozǧalysty basqaru, logistika jäne t.b. siiaqty mamandyqtarǧa oquǧa bolady» dep jazdy qala basşysy äleumettık jelıdegı paraqşasynda.
Sondaĭ-aq äkım keşkılık aralau barysynda Aqan Serı köşesı 22-şı üidegı №58 mektep-gimnaziiasyna bardy. Mektepte kürdelı jöndeu jūmystaryn jürgızu turaly şeşım qabyldandy. «Oquşylar «kezekşı toptarda» oqityn bılım beru mekemelerınde daĭyndyq jūmystary jürgızılıp jatyr. Äleumettık qaşyqtyqty saqtau turaly belgıler qoĭylady, oquşylar partalarǧa şahmat tärtıbımen otyrǧyzylady» dep tüsındırdı A.Kölgınov.
