EKSPO-2017 körmesınde Katar pavilony memlekettıŋ Ūlttyq künın atap öttı. Katar memleketı men Qazaqstan Respublikasynyŋ resmi delegasiialary qatysqan şarada ekı eldıŋ än ūrany aitylyp, ekı el bairaǧyn köteru räsımımen bastaldy.
Elımızdıŋ Ūlttyq ekonomika vise-ministrı Ernar Bäkenov qūttyqtau sözınde, Qazaqstan men Katar arasyndaǧy şirek ǧasyrǧa juyq yntymaqtastyq jyldaryndaǧy ornyqty qarym-qatynas ornaǧanyn jäne qazır barlyq sala boiynşa özara bailanysuǧa tolyq jaǧdai jasalǧanyn atap öttı.
Odan keiın pavilon qonaqtaryn Katar memleketı Syrtqy ıster ministrı Soltan Bin Saad Al-Muraihi myrza qūttyqtap, şöl daladaǧy şaǧyn memlekettıŋ qysqa merzımde qalaişa ekonomikalyq körsetkışterı joǧary aldyŋǧy qatarly elge ainalǧany turaly aityp berdı.
– Katardyŋ mūnai men gazǧa bai şikızat elı ekenıne qaramastan, memleket balamaly energetika men joǧary tehnologiia sūraqtaryna köp köŋıl böledı. Bız jasyl tehnologiiany damytuda Qazaqstanmen bırge jūmys ısteuge daiynbyz jäne özara tiımdı serıktestık qatynas qūrudan ümıtımız bar» dep Soltan Bin Saad Al-Muraihi myrza öz oiymen bölıstı.
Katarda memlekettık, memlekettık-jeke serıktestık türlı jobalardy jüzege asyruǧa arnalǧan qolaily investisiialyq klimat jasalǧan. Sonymen bırge, Katar-2030 ūlttyq strategiiasyna säikes türlı salarda, atap aitqanda, bılım beru, densaulyq saqtau, turizm jäne sport salalarynda investisiialyq mümkındıkterdıŋ bolaşaǧy zor. Ünemı damu üstındegı eldıŋ «Katar-2030» ūlttyq strategiiasy adam äleuetın ösıruge baǧyttalǧan. «Sana energiiasy ömırdıŋ mänı bolyp tabylady» degen Aristotel filosofiiasyna süiene kele, adamnyŋ energiiasynsyz eşnärsege qol jetkızuge bolmaidy degen ūstanym Katar pavilonynda jaqsy tüsındırıledı.
Jäne bügıngı adamzattyŋ esınde jüretın, «adamzat jaŋa energiia közderın ızdeu üstınde qolda bar resurstardy saqtau jäne olardyŋ sanaly qoldanuynyŋ maŋyzdylyǧyn, ärqaisymyzdyŋ osy ürdıske öz ülesımızdı qosu qajettıgın taǧy da eske salady.
«Jaŋa energetikalyq kökjiek» atalatyn Katar pavilony energiianyŋ balamaly közderın zertteudegı jäne jasaudaǧy memleket jetıstıkterın nasihattauǧa arnalǧan. Mūnda qonaqtar kün energiiasyn paidalanu jäne bolaşaq tehnologiiasyn qoldanu jönındegı Katar kompaniialarynyŋ zerttemelerıne, eldıŋ tūraqty damuy üşın jäne halyqtyŋ energetika resurstaryna ūqypty qarauyn qalyptastyru üşın jasalyp jatqan şaralarǧa qanyǧa alady. Būdan bölek, tört taqyryptyq aimaqqa bölıngen pavilonda körme qonaqtary Katar memleketınıŋ tarihymen, mädenietı men ūlttyq erekşelıkterımen tanysa alady.
Merekelık şaranyŋ resmi bölımınen keiın qūrmettı qonaqtar Qazaqstannyŋ «Nūr älem» pavilonyn aralap, Taiau Şyǧystaǧy tanymal öner ūjymy «Maqam Ensemble» önerın tamaşalady.
Aigül UAISOVA
