Qazır Astana köşelerıne aluan aǧaştar egılıp, gülzar baqtar saialy tynyǧu ornyna ainaldy. Qalanyŋ «jasyl ökpesı» atalatyn jasyl jelektıŋ qala tūrǧyndaryn ekologiialyq tūrǧydan qorǧauda mänı zor. Osy baǧyttaǧy atqarylyp jatqan jūmystar turaly «Astana kögaldandyru qūrylysy» AQ bas agronomy Amanjol Kebekbaev aityp berdı.– Aldymen atqarylǧan jūmystarǧa toqtalsaŋyz?
– Jaqynda ekologiialyq ailyq aiasynda ötken senbılıkte Esıl audanynda Tūran daŋǧyly boiynda, jaŋadan salynyp jatqan botanikalyq baqta, Almaty audanynda Aqjol köşesı men №14 köşe qiylysynda, Saryarqa audanynda N.Tılendiev daŋǧyly men jaŋadan paidalanuǧa berılıp jatqan Saryarqa audany äkımdıgınıŋ ǧimaraty maŋynda – barlyǧy 4039 dana aǧaş köşetı otyrǧyzyldy. Bügınde qala tūrǧyndarynyŋ süiıktı demalys ornyna ainalǧan «Jerūiyq» saiabaǧynda 9269 tüp būta tektes aǧaş, al «Arai» saiabaǧynda 11012 tüp ösımdık jaiqalyp ösıp tūr. Osynyŋ barlyǧy
mekeme qyzmetkerlerınıŋ qajyrly eŋbegınıŋ jemısı dep tüsıngen jön.
– Qazırgı uaqytta nemen ainalysyp jatyrsyzdar?
– Qazırgı kezde küz keluıne bailanysty bas qalada jasyl jelektı qysqa daiyndau jūmystary qarqyndy jürgızılude. Atap aitqanda, aǧaştardyŋ tübıne kalii jäne fosfor qosylǧan mineraldy tyŋaitqyştar qūiylyp, türlı ziiankester men aurulardan qorǧau şaralary qolǧa alynuda. Eger būl şarualar der kezınde atqarylmasa, kelesı jyly köp qiyndyqtar tuǧyzuy mümkın. Sondyqtan elordany kögaldandyru barysynda synnan ötkızılgen, täjıribe jüzınde däleldengen aua raiyna tözımdı qaiyŋ, qaraǧai, şyrşa qaraǧaş, üieŋkı, arşa, qaraqat, tal, terek siiaqty aǧaştar otyrǧyzylady. Bügıngı künde Esıldıŋ sol jäne oŋ jaǧalauyndaǧy saiabaqtarǧa da osyndai beiımdelgen, şynyqqan aǧaştardy belgılengen joba boiynşa egudemız.
– Qalada qanşa subūrqaq bar, olardy qysqa daiyndau jaiy qalai?
– Bügıngı künde elordada 34 subūrqaq keşenı jūmys ıstep tūr. Jazda kün jyly kezde būl subūrqaqtardyŋ toqtausyz ıstep tūruy üşın käsıporynnyŋ 160 qyzmetkerı kündız-tünı kezekşılık atqardy. Qazır sol subūrqaqtardy qysqa daiyndau ıs-şaralary (su aidyndary betın taqtaişalarmen jabu, susorǧy jabdyqtaryn şyǧaryp tazalau, mailau t.b.) jürgızılude. Būl – subūrqaqtardyŋ kelesı jyly da qaltqysyz qyzmet etuıne qajet mındettı alǧyşarttar bolyp tabylady. Jalpy, subūrqaqtar qyrküiek aiynyŋ soŋyna deiın jūmys ısteidı.
