«Nūr Otan» partiiasy Astana qalalyq filialynyŋ qoldauymen «Kenesary han sarbazdary» atty klub aşyldy.
Äzırge atalmyş klubtyŋ qyryqtan astam müşesı bar. Astanalyq kez kelgen jas būl klubqa müşe bola alady. Klub jetekşısı, «Nūr Otan» partiiasy Astana qalalyq filialy saiasi jūmys bölımınıŋ meŋgeruşısı Erlan Ahmedidıŋ aituynşa, atalmyş joba «Ruhani jaŋǧyru» baǧdarlamasy aiasynda qolǧa alyndy. Maqsaty – jastarǧa tarihi derekter arqyly Qazaq elın azat etu jolynda jaumen arpalysqan batyrlarymyzdyŋ erlıgın jetkızu, tarihi tūlǧalar men oqiǧalarǧa degen qūrmettı arttyru. Kenesaryny qazaq täuelsızdıgı üşın kürestıŋ simvoly retınde nasihattau.
El astanasy Alatau bauraiynan Arqaǧa köşkende Esıldıŋ boiynda alǧaşqylardyŋ bırı bolyp Kenesary hannyŋ eskertkışı boi köterdı. Būl tegın emes. 1838 jyldyŋ tamyz aiynda Kenesary otarşyldyqqa qarsy şyǧyp, Aqmola bekınısıne şabuyl jasady. Sol köterılıste 250 sarbazy qaza boldy. Bügınderı olar qala ışındegı «Qaraötkel» ziratynda jatyr.
«Jobany bastar aldynda tarihşylarmen keŋesıp, josparymyzdy körsetıp, aqyldastyq. Bolaşaqta Kenesary hannyŋ ömırıne arnalǧan otyrystar, döŋgelek üstel men ǧylymi konferensiialar ötkızudı josparlap otyrmyz» deidı Erlan Ahmedi.
Klubtyŋ aşylu räsımınen keiın klub müşelerı «Qaraötkel» ziratyna baryp, Kenesary sarbazdarynyŋ ruhyna qūran baǧyştap, senbılık ötkızdı.
