Astana qalasynyŋ maŋyn äleumettık-ekonomikalyq damytudyŋ 2014-2020 jyldarǧa arnalǧan keşendı jospary äzırlendı.
Keşendı jospardy qabyldau Astana qalasynyŋ maŋyndaǧy injenerlık jäne äleumettık infraqūrylymdy qalalyq deŋgeige jetkızuge mümkındık beredı.
2014 jylǧy 25 säuırde Astana qalasyn odan ärı damytuǧa arnalǧan otyrys barysynda Memleket basşysynyŋ bergen tapsyrmasyn oryndau maqsatynda QR Ükımetı «Astana qalasynyŋ maŋyn äleumettık-ekonomikalyq damytudyŋ 2014-2020 jyldarǧa arnalǧan keşendı josparyn bekıtu turaly» qaulysynyŋ jobasyn jasaǧan bolatyn.
Astana qalasynyŋ maŋynda jalpy audany 4 168 ga jäne halqynyŋ sany 109 408 myŋ adamdy qūraityn elordaǧa qosylǧan 19 tūrǧyn alap ornalasqan. Olardyŋ ışınde Jeleznodorojnyi, İnternasionalnyi, Dostyq, Michurino, Küigenjar, Promyşlennyi, Kazgorodok, Qazaq auyl, Oŋtüstık-şyǧys (sol jaǧy), Oŋtüstık-şyǧys (oŋ jaǧy), Köktal-1, Köktal-2, Öndırıs, Komsomolskii, Zarechnyi, Telman, İlinka, Prigorodnyi jäne Qaraötkel bar.
Keşendı josparda anyqtalǧan basty strategiialyq baǧyttar boiynşa kölık infraqūrylymy; elektrmen jabdyqtau nysandary; kommunaldyq şaruaşylyq obektılerı; 24 000 oryndy 21 jalpy bılım beru mektebı men 11 940 oryndy 47 mektepke deiıngı mekemenı qūraityn bılım salasy; bır auysymda 3 610 adamdy qabyldaityn 7 emhana, bır auysymda
1 300 keluşını qabyldaityn 7 otbasylyq-därıgerlık ambulatoriia (ODA) jäne bır auysymda 400 keluşıge arnalǧan 1 jedel medisinalyq järdemnıŋ şaǧyn stansasyn qūraityn densaulyq saqtau salasy damytylady.
Qala maŋyndaǧy beketterde ūzyndyǧy 398,12 km jol, sonymen qatar, tūrmystyq jäne jauyndyq kärızderge, sumen ärı elektrmen qamtuǧa arnalǧan 1520,82 km injenerlık jelı jäne transformatorlyq şaǧyn stansalar, sorǧy stansalary men jauyndyq kärızderdı tazartu qūrylysyna laiyqtalǧan 112 injenerlık qūrylys salu josparlanǧan.
Nūrislam QŪSPANǦALİ
