Biylǧy qysta elordadaǧy bıraz jeke üiler kögıldır otynmen jylytylady. Osy baǧytta jürgızılıp jatqan jūmystardy Nūr-Sūltan qalasynyŋ äkımı Altai Kölgınov özı körıp, tūrǧyndarmen kezdestı.
– Qazırgı künı «Jeleznodorojnyi» – 100, «Promyşlennyi» – 80, «Köktal-1» eldı mekenderı 70 paiyz gazben qamtyldy. «Köktal-2» eldı mekenınde ekı köşe ǧana qaldy. Būl jūmystar «Agroqalaşyq», «Oŋtüstık-Şyǧys» eldı mekenderınde de jürgızılude. Endı gaz jelılerın jeke üilerge jetkızu jūmystary «Köktal-1/2», «Jeleznodorojnyi», «Promyşlennyi», «Agroqalaşyq» tūrǧyndary üşın (Tılendiev daŋǧyly – Köktal – t/j joly – Bökeev köşesı şekarasynda) üilerdı gazben jabdyqtau jelılerıne qosuǧa tehnikalyq şartty berudıŋ tegın räsımı bastaldy. Ol üşın Bolaşaq, 4/2 jäne J.Jabaev, 12/2 köşesınde front-keŋseler aşyldy, – dedı qala basşysy.
Sondai-aq atalǧan eldı mekender, onyŋ ışınde «Agroqalaşyq», «Oŋtüstık-Şyǧys» tūrǧyndarynyŋ qosyp aluyna mümkındık bar.Tūrǧyndar üşın tegın eseptegışter qarastyrylǧan. Elordany gazdandyrudyŋ özı üş kezeŋnen tūrady. Küzde elordadaǧy №1-2 jylu elektr ortalyǧy «kögıldır otynǧa» auyspaq.
