Qala äkımdıgı «EHRO-2017» qonaqtaryna arnap 20-dan astam sporttyq şara daiyndap qoidy.
Mausymnyŋ 24-27 aralyǧynda «Däulet» sport keşenınde körkem gimnastikadan Aziia chempionaty ötedı. Jarysqa 15 elden kelgen eŋ myqty degen 150-ge juyq sportşy qatysady. Al 1-2 şıldede Altynşy karate şinkiokuşinkaidan älem chempionaty ötedı. Elordaǧa türlı memleketterden 196 karateşı jinalyp, baq synasady. Araǧa bır apta salyp, elordada tüŋǧyş ret karate-do boiynşa Aziia chempionaty ūiymdastyrylmaq. «EHRO» körmesı aiasynda älemnıŋ eŋ myqty mergenderı Astanaǧa at basyn būrady. Sebebı 3-14 tamyzda «Alaş» tas jolynyŋ boiyndaǧy «Eldorado» atu alaŋynda sporting boiynşa EXPO 5 Ülken chempionaty, EXPO-2017 Gran-pri halyqaralyq turnirı jäne stend atudan 7-şı Aziia chempionaty ötedı.
Körme aiasynda şeteldık meimandar qazaqtyŋ ūlttyq oiyndarymen jete tanysuǧa mümkındık alady. Mäselen, Qazanat atşabarynda 20-28 tamyz aralyǧynda kökpardan älem chempionaty ötkızıledı. Üş aidyŋ ışınde toǧyzqūmalaqtan, belbeu küresınen, «Älem barysy» atty qazaq küresınen absoliuttı älem chempionatynyŋ jalauy köterıledı. Sondai-aq, 17 şıldede tennisten «Prezident kubogı-2017» halyqaralyq turnirı bastalady.
Älem nazaryn özıne audaratyn dübırlı dodalardyŋ bırı – «Jıbek joly-2017» halyqaralyq ralliı.
– Mäskeu – Astana – Sian baǧyttary boiynşa jürıp ötetın kölık keruenın asyǧa kütetınder köp. Ralli aiasynda elordaǧa 500 sporttyq kölık pen 1,5 myŋ qatysuşy keledı. «Han şatyr» sauda ortalyǧynda janküierler sportşylarmen fotoǧa tüsıp, tıldese alady, – dedı ol.
Jalpy, halyqaralyq jarystyŋ bastaluy Mäskeudıŋ Qyzyl alaŋynda 7 mausymǧa josparlanǧan. Al ralli marafony Qytaidyŋ eŋ ejelgı astanalarynyŋ bırı – Sian qalasynda 22 şıldede aiaqtalady dep kütılude.
Güldana TALǦATQYZY
