Soŋǧy jyldary elordamyzda mügedekterge arnalǧan taksi qyzmetınıŋ damuy dūrys jolǧa qoiyldy. Sonyŋ aiqyn dälelı – «İnvataksi» qyzmetı. Qarapaiym tılmen tüsındıretın bolsaq, būl mümkındıgı şekteulı jandarǧa arnalǧan kölık türı.
«Orda» Astana qalasyndaǧy autizmmen auyratyn balalardyŋ ata-analarynyŋ bırlestıgı» qoǧamdyq ūiymynyŋ jetekşısı Saltanat Esmaǧambetova mügedekterdı äleumettık jaǧynan qorǧau elımızdegı äleumettık qoldaudyŋ asa maŋyzdy baǧyttarynyŋ bırı ekenın aitady. «Elordamyzda «İnvataksi» qyzmetın ūsynuǧa, damytuǧa erekşe nazar audaryp otyrmyz. Qazırgı kezde mügedek jandardy «İnvataksidıŋ» 23 avtokölıgı tasymaldaidy. Sonyŋ ışınde 5 kölık arbaǧa taŋylǧan jandardy («Mügedekter konfederasiiasy» respublikalyq qoǧamdyq bırlestıgı), 11 kölık mümkındıgı şekteulı balalardy (№65 mektep, «Meiırım» qoǧamdyq qory), 7 kölık zaǧip mügedekterdı («Qazaq soqyrlar qoǧamy» qoǧamdyq bırlestıgı) baratyn jerıne jetkızedı» deidı ol.
Jyl saiyn şamamen 3 myŋǧa juyq mügedekter arnaiy kölıktermen qamtamasyz etıledı, sonyŋ ışınde 1 myŋǧa juyǧy – balalar. «İnvataksi» qyzmetın paidalanu üşın ötınış beru jetkılıktı. Belgılengen uaqyttan keşıkpei kelgen taksi mügedek jolauşylardy emhanaǧa, mektepke, jūmysqa jäne üiıne jetkızıp salady.
«Aita keterlık jait, zaǧip jandar 2014 jyldan berı «İnvataksi» qyzmetın paidalanuǧa mümkındık alǧan. Öitken sebebı, qazırgı taŋda mümkındıgı şekteulı jandardyŋ barlyǧy qoǧamda belsendı ömır süredı. Olar memlekettık jäne jekemenşık ūiymdarǧa jūmysqa ornalasady» dedı söz soŋynda Saltanat Esmaǧambetova.
