Qazaqstan Respublikasy Täuelsızdıgınıŋ 30 jyldyǧyna jäne Konstitusiia künıne arnalǧan «İnternet däuırı: Qūqyq üstemdıgı, Adam qūndylyqtary, Memlekettık Täuelsızdık» atty taqyrypta halyqaralyq simpozium onlain rejimde öttı.
Is-şarany Qazaqstan Respublikasynyŋ Konstitusiialyq Keŋesı «Astana» halyqaralyq qarjy ortalyǧymen bırlesıp ūiymdastyrdy.
Halyqaralyq simpoziumdy Konstitusiialyq Keŋes Töraǧasy Qairat Mämi aşyp, kez kelgen memlekette täuelsızdık-bükılhalyqtyq qūndylyq ekenın atap öttı. Respublikanyŋ qoldanystaǧy Konstitusiiasy Täuelsızdık konturyn tüpkılıktı resımdedı jäne barlyq salalardyŋ jedel damuy üşın qolaily jaǧdai jasady.
Qazaqstan Respublikasynyŋ Prezidentı Q.Toqaevtyŋ qūttyqtauy ıs-şaraǧa erekşe män berdı. Onda atap körsetılgendei, memlekettıŋ damuy Konstitusiia negızınde, onyŋ ärpı men ruhyna tolyq säikes jalǧasyp keledı. Qazırgı zamanǧy memleket pen azamattyq qoǧam jolyndaǧy barlyq ırı jetıstıkter halyqtyŋ erık-jıgerımen qabyldanǧan Ata Zaŋǧa negızdelgen. Memleket basşysy Simpozium taqyrybynyŋ özektılıgın atap ötıp, sifrlyq damudyŋ auqymy men jyldamdyǧy halyqaralyq qoǧamdastyqtyŋ aldyna adam men azamattyŋ ırgelı qūqyqtary men bostandyqtarynyŋ saqtaluyn qamtamasyz etu, onyŋ zaŋdy müddelerın qorǧau, sifrlyq teŋsızdıktı joiu, qoǧam men memlekettıŋ sifrlyq täuelsızdıgın saqtau siiaqty maŋyzdy mındetter qoiyp otyrǧanyna nazar audardy.
Forumǧa qatysuşylarǧa Europa Keŋesınıŋ Qūqyq arqyly demokratiia üşın Europalyq Komissiiasynyŋ (Venesiia komissiiasy) prezidentı Djanni Bukikkio, Euraziialyq ekonomikalyq odaq sotynyŋ töraǧasy E.Airiian jäne Germaniia halyqaralyq qūqyqtyq yntymaqtastyq qorynyŋ Bas direktory Frauke Bahler qūttyqtau söz arnady.
Simpozium jūmysy sifrlandyru jäne ūlttyq egemendık, internet jaǧdaiynda adamnyŋ qūqyqtary men bostandyqtarynyŋ kepıldıkterı, sondai-aq memlekettık organdardyŋ qoǧam men adam aldyndaǧy jauapkerşılıgın arttyru mäselelerıne arnalǧan üş sessiiada ötude.
Bırınşı sessiiada Qazaqstan Respublikasynyŋ Strategiialyq josparlau jäne reformalar jönındegı agenttıgınıŋ töraǧasy, «Astana» halyqaralyq qarjy ortalyǧynyŋ basqaruşysy Qairat Kelımbetov baiandama jasap, AHQO-nyŋ sifrlandyru men qūqyqtyq jüie evoliusiiasyndaǧy rölı turaly aityp berdı.
Sifrlyq damu, innovasiialar jäne aeroǧaryş önerkäsıbı ministrı Baǧdat Musin sifrlandyru jäne tehnologiialardy damytu salasyndaǧy elımızdıŋ jetıstıkterıne toqtalyp öttı.
Forumnyŋ qonaqtary qazaqstandyqtardy Täuelsızdık mereitoiymen qūttyqtap, Simpoziumdy tabysty ötkızgenı jäne Aziialyq qauymdastyqqa oidaǧydai töraǧalyq etkenı üşın Qazaqstan Respublikasynyŋ Konstitusiialyq Keŋesıne şynaiy rizaşylyqtaryn bıldırdı.
