Elordadaǧy «Janūia» otbasy institutyn qoldau ortalyǧy «Baqytty otbasy» qanatqaqty jobasymen bırge elorda tūrǧyndaryna arnap merekelık jiyn ötkızdı.
Täuelsızdık künıne orailastyrylǧan jiynǧa elordalyq köpbalaly analar, erekşe qajettılıgı bar bala tärbielep otyrǧan ata-analar, erıktıler, qoǧam belsendılerı jäne är salada jetıstıkke jetken tabysty qyz-kelınşekter qatysty.
«Halyqtyŋ äleumettık osal toptarynan şyqqan äielderdı qoldau jäne yntalandyru, memlekettıŋ negızı bolyp sanalatyn otbasyn nasihattau maqsatynda memleket qoldauyna mūqtaj elordalyqtarǧa arnap erekşe formatta merekelık basqosu ūiymdastyrdyq. Analarǧa qoldau bıldırıp, ruhani küş-jıger beru üşın är salada tabysty eŋbek etıp jürgen äielderdı de şaqyrdyq» deidı «Janūia» otbasy institutyn qoldau ortalyǧynyŋ direktory Äsemgül Sadyr. Atalmyş ortalyq qiyn jaǧdaiǧa tap bolǧan elordalyq tūrǧyndarǧa qol ūşyn berumen ainalysady. Qazırgı taŋda ortalyqta 28 qyzmet türı körsetıledı.
