Elımızdıŋ bas memlekettık sanitar därıgerınıŋ qaulysyna säikes, qazır Pfizer vaksinasy barlyq azamattarǧa vaksinasiia jäne revaksinasiia üşın qoljetımdı. Būǧan deiın būl ekpenı aluşylar üşın jas şamasynda şekteuler bolǧan edı.
Elordada Pfizer-men vaksinalau alǧaşqy buyn medūiymdarynda jäne «Abu Dabi Plaza» SOO-daǧy vaksinalau punktınde jürgızıledı. Alaida qalalyq Densaulyq saqtau basqarmasy qazırgı uaqytta vaksinasiia modulıne Pfizer vaksinasy boiynşa tiıstı özgerıster engızılıp jatqanyna nazar audaryp, pasienttıŋ derekterın sandyq bazaǧa, iaǧni elektrondy türde engızu älı mümkın emes ekenın habarlaidy. Būl jūmys bıraz uaqyt qaǧaz jüzınde jürgızıledı. Vedomstvo barlyq derekterdı toltyru boiynşa medisina qyzmetkerlerınıŋ jūmysyna tüsınıstıkpen qaraudy sūraidy. Şetelge şyǧatyn adamdarǧa rastaityn qūjattar ūsynylǧan kezde KVİ-ǧa qarsy vaksinasiialaudyŋ tolyq kursyn qaitadan jürgızuge jol berıledı. Būl rette vaksinany taŋdau saparǧa şyǧu josparlanǧan eldıŋ talaptaryna bailanysty jürgızıledı.
Koronavirusqa qarsy soŋǧy ekpe men qaitalama tolyq kursy arasyndaǧy aralyq kemınde 3 ai dep ūsynylady. Eger dozalar arasyndaǧy aralyq 3 aidan aspaǧan bolsa, alynǧan revaksinasiiany vaksinasiialaudyŋ tolyq kursyn qaita jürgızu kezınde vaksinanyŋ bırınşı dozasy retınde esepke alynady. Mamandar qaita vaksinasiialau ekı komponenttı bırdei qabyldap, tolyq immundaudan ötudı qarastyrady, al revaksinasiia – bıreuın ǧana qabyldau dep tüsındıredı. Qalalyq Qoǧamdyq densaulyq saqtau basqarmasynyŋ mälımetınşe, būl üşın elordada amerikalyq preparattyŋ vaksinalary jetkılıktı, 1 jäne 2-komponenttı 166 myŋnan astam doza bar. Sondai-aq Vero Cell (Sinopharm), QazVac vaksinalary qala tūrǧyndary üşın qoljetımdı.
