Astana qalasy äkımınıŋ orynbasary Ermek Amanşaev özınıŋ italiandyq ärıptesı Anna Skavussomen kezdestı.
Elordada ötıp jatqan EKSPO körmesınıŋ daiarlyǧy kezınde italiandyq elşılık qazaqstandyqtarmen tyǧyz bailanys jasap, ärıptestık ornatqan edı.Elordada ötıp jatqan EKSPO körmesınıŋ daiarlyǧy kezınde italiandyq elşılık qazaqstandyqtarmen tyǧyz bailanys jasap, ärıptestık ornatqan edı
– Astana Milanda ötken «EKSPO-2015» älemdık ämbebap körmesıne daiyndyq barysyn men atalmyş şarany ötkızudıŋ täjıribesın qabyldady. Būl tūrǧyda men elşınıŋ belsendı jūmysyn jäne ekı qala arasynda bailanysty nyǧaitudaǧy, äsırese, EKSPO-2017 körmesın ötkızu kezınde İtaliia elşılıgı qyzmetkerlerınıŋ jūmysyn atap ötkım keledı. Aldaǧy uaqytta būl bailanys keŋeie tüsedı degen senımdemın, – dedı Ermek Amanşaev.
Aita keteiık, İtaliiadaǧy «EXPO MILANO-2015» körmesınıŋ jabylu saltanatynda EKSPO jalauyn Qazaqstanǧa tapsyru räsımı ötken bolatyn. Sol kezde bızdıŋ ūlttyq pavilon «Taqyryp pen kontenttı aşa bılu» atalymy boiynşa eŋ üzdık pavilondardyŋ üştıgıne kırdı. Sonda İtaliia Respublikasynyŋ prezidentı Serdjio Matarella «Astana EKSPO-2017» körmesın ötkızude elımızdıŋ aldyŋǧy qatarǧa şyǧatynyna senım bıldırgen edı.
Ermek Amanşaev öz sözınde, 2015 jyly Astana künı merekesıne orai elordaǧa saparmen kelgen Milannyŋ merı Djuliano Pizapianyŋ qadamy Astana men İtaliia arasyndaǧy maŋyzdy oqiǧalardyŋ bırı bolǧandyǧyn jetkızdı.2015 jyly Astana men Milan arasyndaǧy bailanys jäne qalalyq azyq-tülık saiasatynyŋ Milan Konvensiiasy memorandumyna qol qoiylǧan bolatyn.Bügınde ekı el arasyndaǧy dostyq qatynas öŋıraralyq ärıptestıktıŋ damuyna septıgın tigızude.
Serık Joldasbai
