Jyl basynan berı elordanyŋ 507 mümkındıgı şekteulı tūrǧyny jūmysqa ornalasty. Mügedekterdı jūmysqa ornalastyrudyŋ negızgı formasy jūmys oryndaryn kvotalau bolyp tabylady.
Zaŋǧa säikes, kvota käsıporyn jūmysşylarynyŋ jalpy sanynyŋ 2-den 4 paiyzyna deiın belgılenedı. Kvotalaudan bölek, mümkındıgı şekteulı azamattardy jūmysqa ornalastyru maqsatynda bos jūmys oryndarynyŋ järmeŋkesı ūiymdastyrylyp tūrady. Mäselen, aǧymdaǧy jyldyŋ 9 aiynda 20 bos jūmys oryndarynyŋ järmeŋkesı öttı. Onyŋ ışınde mümkındıgı şekteulı jandar men tüzetu mekemesınen bosap şyqqan jäne probasiia qyzmetınde esepte tūrǧan azamattar üşın de ötkızıldı. Jūmyssyzdyqtan äleumettık qorǧau şeŋberınde 30-dan asa adam elektr dänekerleu, videografika, animasiia jäne basqa mamandyqtar boiynşa qysqa merzımdı kurstan öttı. Elordanyŋ mümkındıgı şekteulı ekı tūrǧyny öz biznes ideiasyn jüzege asyruǧa 100 AEK kölemınde (252 500 teŋge) grantqa ie boldy.
