Biyl 10 aida Türkıstan oblysynan soltüstıkke 247 adam köşıptı. Ötken jyly 530 otbasy köşkenın eskersek, köştıŋ azaiyp ketkenı körınıp tūr. Būl tüitkıldı juyrda «Nūr Otan» partiiasy oblystyq filialynyŋ jetekşılerı käsıpodaqtarmen bırge talqylady.
«Türkıstanda kelelı keŋes ötkızıp, jūmysşy qūqyǧyn qorǧau, tūrǧyndardy jūmyspen qamtu, memlekettık baǧdarlamalardyŋ oryndaluyn qadaǧalau, tiımdılıgın arttyru mäselesın talqyladyq. Soltüstıkke köşu körsetkışı de köŋıl könşıtpeidı. Biylǧa 10 aida 247 otbasy ǧana köşıptı. Ötken jyly 530 otbasydan astam janūia qonys audarǧan edı. Biyl taǧy da karantin «kınälı» me? Basty sebep jauapty memlekettık mekemelerdıŋ nemqūraidylyǧy men mamandardyŋ bılıksızdıgınde dep oilaimyn. Ötken jyly qoǧamdyq erıktılerdı jūmyldyryp, baǧdarlamanyŋ josparly türde ıske asyryluyna atsalysqanbyz. Nätijede jyldaǧyǧa qaraǧanda 100 otbasy artyǧymen köşken. Bıle bılsek, būl – aimaqtyq emes, ūlttyq mäsele. Memlekettık strategiia. Endı barlyq küşterdı qosyp, ıske asyruǧa kırısemız» dep jazdy partiianyŋ oblystyq filialy töraǧasynyŋ bırınşı orynbasary Beisen Täjıbai.
Ol memlekettık baǧdarlamalardy BAQ-ta, äleumettık jelılerde tūraqty türde nasihattau, tüsındırudı barynşa talap etıp, resurstarǧa baǧyttalatynyn aitty. «Ekınşıden, qoǧamdyq jūmyspen qamtylǧan keibır azamattardyŋ jūmysqa barmai-aq jalaqy alǧany turaly aitylyp jür. Būl da memlekettık qarajattyŋ öz maqsatynda paidalanylmaǧanyn körsetedı. Sonymen bırge audan, qalalardaǧy jūmyspen qamtu ortalyqtaryndaǧy bazalardy jüieleu qajet. Keibır jaǧdaiy jaqsy otbasylar türlı kömekterge ılıgıp ketse, keibır şyn mūqtaj azamattardyŋ kömekten şet qalu oqiǧalary da kezdesıp qalady. Sondyqtan bız atalǧan mäseleler boiynşa partiia fraksiiasy men partiia filialynan monitoringtık toptar qūru jönınde şeşım qabyldadyq» dep jalǧady B.Täjıbai. Äleumettık qoldaudy küşeitu, eŋbek zaŋnamasyn saqtau, jūmyssyzdyqpen küres baǧytyndaǧy jūmystar partiianyŋ baqylauynda bolmaq.
