Köşege Rudakidıŋ aty berıldı
Astanadaǧy jobalyq atauy №179-köşege täjık-parsy aqyny jäne ǧalymy Abu Abdallah Rudakidıŋ aty berıldı. Qalalyq mäslihattyŋ kezekten tys sessiiasynda atalmyş ūsynysty deputattar bırauyzdan maqūldady. Sessiiaǧa qala äkımınıŋ orynbasary Ermek Amanşaev qatysty.
Tılderdı damytu basqarmasynyŋ basşysy Tıleuǧali Qyşqaşbaevtyŋ aituynşa, būl ūsynyspen Astana qalasynyŋ äkımdıgıne Qazaqstan Respublikasynyŋ Syrtqy ıster ministrlıgı şyqqan. Atalǧan mäsele 21 aqpanda ötken qalalyq onomastikalyq komissiia otyrysynda qaralyp, maqūldandy.
«Būl jaǧdai Qazaqstan men Täjıkstan arasyndaǧy yntymaqtastyqty odan ärı nyǧaituǧa oŋ äserın tigızedı. Duşanbe qalasynda ūly Abaidyŋ atymen atalatyn köşe bar. Onyŋ ūzyndyǧy – 2,5 şaqyrym. Köşe qalanyŋ ortalyǧynda ornalasqan» dedı basqarma basşysy.
Rudakidıŋ aty berılgen №179-köşenıŋ ūzyndyǧy – 710 metr. Almaty audanynda oryn tepken būl köşe B.Mailin köşesınen bastalyp, B.Momyşūly daŋǧylynda aiaqtalady. Būl köşenıŋ boiynda №51 mektep-gimnaziia, №6 qalalyq emhana, tūrǧyn üi keşenı men kottedj qalaşyǧy tūr.
Abu Abdallah Rudaki (858-941) – täjık klassikalyq ädebietınıŋ negızın saluşy, filosof. Zamanynda «Aqyndar atasy» atanǧan. Şyǧarmalarynyŋ negızgı ideiasy – adam ömırın jyrlau. Būl dästür özınen keiıngı şyǧys ädebietıne yqpal ettı. Rudaki ömırdıŋ sändı, saltanatty jaǧyn, jaqsylyqty, kırşıksız taza mahabbatty madaqtady, adam boiyndaǧy asyl qasiettı jyrlady. Aqynnyŋ şyǧarmalaryn zertteuge qazaq ǧalymdary Temırǧali Nūrtazin, Rahmanqūl Berdıbai eleulı üles qosty. Öleŋderın Qalijan Bekhojin, Ǧali Ormanov, Taiyr Jarokov, Tılegen Şopaşev, Qairat Jūmaǧaliev audaryp, kezınde Rudakidıŋ jyr jinaǧy qazaq tılınde jeke kıtap bolyp şyqty.
Amanǧali QALJANOV