Astanada bokstan Qazaqstan Prezidentınıŋ Kubogy üşın ötken V halyqaralyq turnir märesıne jettı. Bylǧary qolǧap şeberlerınıŋ bairaqty bäsekesınde Qazaqstan boksşylary jeŋımpaz atandy.
«Däulet» sport keşenınde 10 elden kelgen 113 boksşy jekpe-jekke şyqty. Janküier qauym on salmaq därejesındegı erler bäsekesın, sondai-aq, üş salmaq boiynşa äielder jekpe-jekterın tamaşalady. Bes kün boiy boks süier qauymnyŋ delebesın qozdyrǧan turnir barysynda Olimpiada oiyndary jüldegerlerınıŋ, älem chempiondary men qūrlyq bırınşılıkterı jeŋımpazdarynyŋ önerıne köz jetkızdık.
Atap aitqanda, äielder saiysynda synǧa tüsken arulardyŋ qatarynda älemnıŋ ekı dürkın chempiony Nazym Qyzaibai ( 51 kg), Rio olimpiadasynyŋ jüldegerı Dariǧa Şäkımova (75 kg), sondai-aq Resei, Ukraina, Özbekstan, Moŋǧoliia jäne basqa elderdıŋ chempiondary boldy. Erler arasyndaǧy bäsekelerde de ataqty boksşylar az bolǧan joq. Mäselen, Olimpiada oiyndarynyŋ kümıs jüldegerı Vasilii Levit pen Aziia oiyndarynyŋ jeŋımpazy Iliias Süleimenov öz salmaqtarynda top jarsa, basqa da ūlttyq qūrama müşelerı şynaiy şeberlıkterın körsete bıldı.
Sonymen biyl besınşı ret ūiymdastyrylǧan halyqaralyq turnirde Qazaqstan boksşylary komandalyq esepte bırınşı orynnan körındı. Jüldeler sarapqa salynǧan 13 salmaq därejesınde tek bır ǧana şeteldık boksşy turnir chempiony ataǧyna qol jetkızdı. Ol aqtyq synda astanalyq Ashat Jüsıpovtı jeŋgen filippindık Karlo Palaam boldy.
Qazaqstan Respublikasy Prezidentınıŋ kubogy jeŋımpazdaryna altyn medal, diplom jäne 2000 AQŞ dollary kölemınde syiaqy berıldı. Kümıs jüldegerler 1000 dollar, al qola jüldegerler 500 dollar syiaqy aldy.
Prezident Kubogy V halyqaralyq turnirınıŋ jeŋımpazdary men jüldegerlerı:
Äielder
51 kelı
1. Nazym Qyzaibai (Qazaqstan)
2. Jaina Şekerbekova (Qazaqstan)
3. Tatiana Kob (Ukraina), Svetlana Soluianova (Rossiia)
60 kelı
1. Karina İbragimova (Qazaqstan)
2. Rimma Volosenko (Qazaqstan)
3. Petekio Nesthi (Flilippin), Liudmila Orlova (Resei)
75 kelı
1. Dariǧa Şäkımova (Qazaqstan)
2. Darima Sandakova (Resei)
3. Lovlina Bargohain (Ündıstan), Fariza Şoltai (Qazaqstan)
Erler
49 kelı
1. Karlo Palaam (Filippin)
2. Ashat Jüsupov (Qazaqstan)
3. Şalqar Aiqynbai (Özbekstan), Mirlan Türkbaiūly (Qyrǧyzstan)
52 kelı
1. Azat Mahmetov (Qazaqstan)
2. Oljas Bainiiazov (Qazaqstan)
3. Jänıbek Mūsaev (Qyrǧyzstan), Abror Qodirov (Özbekstan)
56 kelı
1. Iliias Süleimenov (Qazaqstan)
2. Fernandez Mario (Filippin)
3. Janbolat Tılegenūly (Qazaqstan), Janbolat Qadyrbaev (Qazaqstan)
60 kelı
1. Sūltan Zauyrbek (Qazaqstan)
2. Ädılet Qūrmetov (Qazaqstan)
3.Serık Temırjanov (Qazaqstan), Sulaimon Latipov (Özbekstan)
64 kelı
1. Baqdäulet İbragimov (Qazaqstan)
2. Quan Quatov (Qazaqstan)
3. Gakbaatar Baiarhuu (Moŋǧoliia), Asqar Erubek (Qazaqstan)
69 kelı
1. Sadriddin Ahmedov (Qazaqstan)
2. Bobousman Baturov (Özbekstan)
3. Ädılet Batyraliev (Qyrǧyzstan), Bekzod Halmetov (Qazaqstan)
75 kelı
1. Äbılhan Amanqūl (Qazaqstan)
2. Saparbai Aidarov (Qazaqstan)
3. Li Dong Iýn (Oŋtüstık Koreia), Manat Ömırzaqov (Qazaqstan)
81 kelı
1. Bek Nūrmaǧanbet (Qazaqstan)
2. Iаng Heg Iýn (Oŋtüstık Qazaqstan)
3. Nūrdaulet Jarmanov (Qazaqstan), Erkın Ädılbekūly (Qyrǧyzstan)
91 kelı
1. Vasilii Levit (Qazaqstan)
2. Chauhan Gaurav (Ündıstan)
3. Azizi Mohammad (İran), Ädılet Orynbasarov (Qazaqstan)
+91 kelı
1. Qamşybek Qoŋqabaev (Qazaqstan)
2. Nūrlan Saparbai (Qazaqstan)
3. Nūrbolat Sermahanov (Qazaqstan), Rustamjon İsmailov (Özbekstan).
Ǧalym QOJABEKOV
