«Astana Opera» teatrynda küişı-ūstaz, folklortanuşy, Qazaqstannyŋ eŋbek sıŋırgen qairatkerı Aitjan Toqtaǧannyŋ 75 jasqa toluyna arnalǧan «Küi – ǧūmyrym, ūstazdyq – tūǧyrym» atty şyǧarmaşylyq keşı öttı.
Keştı küişınıŋ özı bastap berıp, artynşa Mädeniet jäne sport ministrınıŋ orynbasary Nūrǧisa Däueşov ministr Aqtoty Raiymqūlovanyŋ qūttyqtauyn oqyp berdı. Küişınıŋ tuǧan jerınen Batys Qazaqstan oblysynyŋ äkımı Ǧali Esqaliev pen osy oblystyŋ Jänıbek audanynyŋ basşysy Azamat Safimaliev joldaǧan lebızder oqyldy. Keş iesınıŋ «altyn besıgı» atynan syi-syiapat jasaldy. «Küi anasy» qoǧamdyq qorynyŋ jetekşısı Tölegen Quanyşev qūrmet körsettı.
Keş atauy aityp tūrǧandai, Aitjan Toqtaǧannyŋ bır qyry küişılık bolsa, ekınşısı – ūstazdyǧy. Şäkırt tärbielep kele jatqanyna jarty ǧasyrǧa juyqtady. Özı oqyp bıtırgen Qūrmanǧazy atyndaǧy konservatoriiada, A.Jūbanov atyndaǧy muzykalyq orta mektep-internatynda, Qazaq ūlttyq öner universitetınde, Nazarbaev ziiatkerlık mektebınde oquşylar men jastardy küi önerıne baulydy. Şäkırtterınıŋ aldy qazır önerdıŋ belgılı ökılderıne ainaldy.
Solardyŋ atynan Qazaqstannyŋ eŋbek sıŋırgen qairatkerlerı Ruhiia Batyrşieva men Qūrmanǧazy atyndaǧy Qazaq ūlttyq konservatoriiasynyŋ rektory Arman Jüdebaev söz alyp, ūstazdaryn mereitoiymen qūttyqtady. Artynşa alǧaşqysy jyrdan, ekınşısı küiden şaşu şaşty. Basqa da şäkırtterı öner körsetıp, keştı küi merekesıne ainaldyrdy.
Jalpy osy keşte barlyq küi mektepterı qamtyldy dep aituǧa bolady. Küi atasy – Qūrmanǧazynyŋ, küi anasy – Dinanyŋ, Qazanǧaptyŋ, Tättımbettıŋ, Sügırdıŋ, basqa da küi önerın qalyptastyrǧan, önerde öşpes ız qaldyrǧan küişılerdıŋ küilerı oryndaldy.
Baian Asylbekova
