Bır jyl jarym būryn aşylǧan «Astana Solar» kün batareialaryn öndıretın zauyt bügınde jylyna 50 MVt daiyn önım şyǧarady. Zauyt sertifikattaudan öttı jäne halyqaralyq naryqqa şyǧuǧa daiyn, dep habarlady astanalyq äkımdıktıŋ saity.
Elordada ekı jyldan berı fotoelektrlı modulder şyǧaratyn «Astana Solar» zauyty jūmys ıstep tūr. Ol elımızdegı tehnologiialyq QazPV jobasy aiasynda balamaly energiia türlerın şyǧarady. Al, jaŋa önımderge şikızatty tügeldei Qazaqstan kremniiınen alady.
«Zauyt öz jūmysyn 2012 jyly bastady. Zauyttyŋ öndıretın negızgı önımı fotoelektr taqtaşalary. Iаǧni kün säulesın elektr energiiasyna ainaldyratyn qondyrǧy. Zauyttyŋ önımı barlyq oblystarǧa keŋ taraǧan» deidı «Astana Solar» JŞS injenerı Rustam Osmanbekov.
Iske qosylǧanyna az uaqyt ötse de, zauyt önımderıne sūranys artqan. Äsırese, elektr jelılerınen şalǧaida jatqan aimaqtar, jaryq jiı sönetın öndırıstık nysandar men şarua qojalyqtary üşın taptyrmas dünie. Qazır zauyttyŋ tört öndırıstık brigadasynda 200-ge juyq adam jūmys ısteidı. Alda olar EKSPO körmesıne qatysyp, öz jobalaryn körsetudı maqsat etedı.
Sonymen qatar, olar öz önımderın Fransiiaǧa, Katarǧa jäne basqa da şet elderge şyǧarudy josparlap otyr.
