Marat QŪSAIYNOV, Ekonomika jäne biudjettı josparlau vise-ministrı:
JEKEŞELENDIRU QYZMET SAPASYN JAQSARTADY
– Jekeşelendıru – bäsekelestıktı arttyruǧa baǧyttalǧan memleket saiasatynyŋ negızgı baǧyty. Ony jürgızu tauar naryqtarynda bäsekelestıktı arttyrady.
Bügınde jekeşelendıru boiynşa tūraqty komissiia qūryldy. Onyŋ qūramynda Ūlttyq käsıpkerler palatasy jäne «Nūr Otan» partiiasynyŋ müşelerı bar.
Ükımet qabyldaǧan 2014-2016 jyldarǧa arnalǧan keşendı jekeşelendıru josparynda kvazimemlekettık ūiymdardy bäsekelestık ortaǧa ötkızu qarastyrylǧan. Jalpy sany 782 ūiymdy jekeşelendıru qarastyrylsa, onyŋ ışınde respublikalyq menşıkte 29 ūiym jäne 3 nysan, kommunaldyq menşık boiynşa 416 ūiym bar.
Jekeşelendırudıŋ ekınşı tolqyny nätijesınde halyqqa ūsynylatyn qyzmet sapasy jaqsara tüsedı. Memleket pen ūlttyq holdingter, kompaniialar jekeşelendıru nätijesınde infraqūrylymdyq jobalardy jüzege asyruda qosymşa qarjy közderın ielenedı. Memlekettık ūiymdar beiındı emes aktivterden arylyp, özınıŋ bar küşın negızgı mındetterdı oryndauǧa jūmyldyrady. Al halyq öz kezegınde bäsekelestıktı damytudyŋ arqasynda qyzmet sapasynyŋ jaqsaruyn, olardyŋ baǧasynyŋ tömendeuın sezınedı. Bäsekelestık ortaǧa «Samūryq-Qazyna» qory boiynşa 106 aktiv, «Bäiterek» – 55», «QazAgro» – 32, «Parasat» – 8, «Zerde»
– 2 jäne äleumettık käsıpkerlık korporasiialar boiynşa 174 nysan berılmek.
Ruslan DÄLENOV, Qarjy vise-ministrı:
ELEKTRONDY SAUDA ARQYLY JÜZEGE ASADY
– Būl jekeşelendırudıŋ aldyŋǧysynan basty aiyrmaşylyǧy – elektrondyq sauda arqyly jüzege asatyn satulardyŋ aşyqtyǧynda. Elımızde tırkelgen zaŋdy tūlǧalar 226 myŋnan asady. Sonyŋ ışınde tıkelei, janama jolmen memlekettıŋ qatysuyndaǧy zaŋdy tūlǧalar sany – 8 065. Jekeşelendıru kestesıne säikes, 2014-2016 jyldary 853 nysan ūsynylady. Biyl jyl soŋyna deiın 295 käsıporyn jeke sektorǧa ötuı tiıs. Maqsaty aiqyn, aiaǧynan tık tūrǧan mūndai kompaniialardyŋ qarjylyq körsetkışterıne toqtalsaq, qomaqty somany qūraidy. Mäselen, 2013 jyldyŋ qorytyndysy boiynşa osy 295 käsıporynnyŋ jeke kapitaly jarty trillion teŋgeden asqan. Osy tızımdegı 94 mekeme memlekettık satyp alular boiynşa 25 milliard teŋgeden astam somaǧa qyzmet körsetken.
Gülmira ŞARHANQYZY
