Problemaly nysandardyŋ qūrylysyn aiaqtauǧa biyl 6 mlrd teŋge jūmsaldy dep mälım ettı keşe Ortalyq kommunikasiialar qyzmetınde ötken baspasöz mäslihatynda qala äkımınıŋ orynbasary Altynbek Qaisaǧaliev.
– Bügınde elordada 48 problemaly nysan bar, ol degenımız – 71 tūrǧyn üi. Onyŋ ışınde 13054 ülesker bar. Būl mäselenı şeşu üşın memlekettık biudjetten 40 mlrd teŋge qarjy bölındı, onyŋ 6 mlrd teŋgesı igerıldı jäne biyl jyl soŋyna deiın qūrylysqa taǧy 14 mlrd teŋge salynady. Al kelesı 20 mlrd teŋgenıŋ qosymşa jūmystary bastalady. Sondai-aq osy problemaly nysandardyŋ qūrylysyn qadaǧalaityn kompaniialar jauapqa tartyluda. Bügıngı taŋda 90 paiyz jauapsyz qūrylys kompaniialarynyŋ bırınşı basşylary jauapqa tartyldy. Iаǧni olarǧa qatysty tiıstı sot şeşımı şyǧyp, jazalaryn öteude, – dedı Nūr-Sūltan qalasy äkımınıŋ orynbasary.
Qala boiynşa älı de mäselesı şeşılmegen nysandar bar. Olarǧa qatysty qūrylys kompaniialarymen jūmys jürgızılude. Būl rette «Qalǧan 3-4 tūrǧyn üi keşenı bar, ol – «Talisman», «Suleiman». Osy nysandar boiynşa qūrylys kompaniiasy basşylaryna qatysty tergeu jūmystary jürıp jatyr» dedı A.Qaisaǧaliev.
Däulet IZTILEUOV
