Elordamyzda köpten berı aitylyp jürgen aspaly kölık türı, iaǧni, jeŋıl relstı LRT jobasy aqyry ıske asatyn boldy. «Astana qalasynyŋ jaŋa kölık jüiesı. LRT» jobasy aiasynda ıske asatyn ǧajaiyp tasymal jüiesınıŋ injenerlık jelılerın şyǧaru jäne qūrylys-montajdau jūmystary bügın bastaldy.
Jeŋıl relstı kölık jüiesınıŋ jalpy ūzyndyǧy 22,4 şaqyrymdy qūraidy. Ol Astana halyqaralyq äuejaiy men EXPO-2017 körmesın, odan ärı «Abu-Dabi Plaza» köp qabatty keşenı jäne jaŋa temırjol vokzalynyŋ arasynda jalǧaityn bolady.
Jaŋa tasymal qūraly estakadalyq, iaǧni, aspaly jol arqyly qatynaidy. Arnaiy jol jüiesı zamanaui jabdyqtarmen jabdyqtalǧan 18 jabyq stansiiadan jäne 19 jyljymaly qūram men depodan tūratyn bolady. Poiyzdarǧa elektrondy tölem jüiesı ornatylady. Sonymen qatar, aqparattandyru, beinebaqylau, belgı beru jabdyqtary taǧy bar.
Kölıktıŋ būl türı Astana tabiǧatyna tolyq yŋǧailastyrylǧan. Ärı qauıpsız, ärı ekologiialyq jaǧynan tabiǧatqa eş zalaly joq būl tasymal qūraly Astana köşelerdegı kölık keptelısın bırşama azaityp, jolauşylarǧa qyzmet körsetu jüiesın jaŋa sapalyq deŋgeige köteredı dep kütılıp otyr. Atalmyş joba 2017 jyldyŋ jeltoqsan aiynda ıske qosylatyn bolady.
Bürkıt NŪRASYL
