Jaqynda öŋırlerdegı sailauşylarmen kezdesu kezınde mektepterdegı oryn jetıspeuşılıgı, sonyŋ nätijesınde üş auysymdy oqu jüiesınıŋ qalyptasuyna qatysty köptegen sūraq boldy. Osyndai qordalanǧan mäselelerdı şeşu maqsatynda Memleket basşysynyŋ tıkelei tapsyrmasymen «Jaily mektep» auqymdy jobasy bastaldy. Osy jobanyŋ negızınde şalǧai auyldar men qalalarda 400-ge juyq bılım oşaǧy boi köteredı. Odan bölek, 300 auruhana salynady. Būl jobanyŋ qarjylyq operatory – «Samūryq-Qazyna» äl-auqat qory. Iаǧni qarjyny solar böledı. Degenmen sol bölıngen qarjynyŋ jergılıktı jerde şaşauyn şyǧarmai, maqsatty jūmsaluyn mäslihat, äkımdık qūqyq qorǧau oryndarymen bırlese qadaǧalauy kerek dep oilaimyn. Sol kezde keiıngı uaqytta köp aitylyp jürgen qūrylys salasyndaǧy jemqorlyqtyŋ aldyn alamyz. Būl da Prezidenttıŋ «Ädılettı Qazaqstan» ūstanymyna sai äreket bolady.
Ekınşıden, auyl-aimaqtardy aralau kezınde jiı kezdesken sūraqtyŋ bırı – qalalardyŋ ırgesındegı saiajailarǧa ornalasqan halyqtyŋ dūrys qonystanu mäselesı. Bır ǧana mysal retınde Almaty qalasy ırgesındegı Talǧar, Qarasai, Ile audandarynyŋ aumaǧynda ornalasqan saiajailardaǧy halyqtyŋ jaǧdaiyn aituǧa bolady. Mäselen, atalǧan Ile audanyndaǧy saiajailarda 60 myŋǧa juyq halyq tūrady. Olardyŋ äleumettık-kommunikasiialyq sūraqtaryn şeşu kezek küttırmes mäselenıŋ qatarynda tūr. Qazırgı taŋda Ükımet tarapynan bırşama jūmys atqarylyp jatyr. Osy oraida Memleket basşysy biylǧy Joldauynda Amanat partiiasynyŋ «Auyl amanaty» jobasynyŋ negızınde şalǧaidaǧy auyl-aimaqty damytu mäselesın basa aitty.
Prezidenttıŋ osy jylǧy Joldauynda aitylyp, qataŋ synǧa ūşyraǧan mäsele – jasöspırımderge qatysty zorlyq-zombylyqtyŋ köbeiıp ketkenı. Memleket basşysy qylmystyŋ osy türımen jan-jaqty küresudı küşeitudı tapsyrdy. Osy taqyrypqa qatysty Mäjılıs otyrysynda Amanat partiiasy fraksiiasynyŋ jetekşısı Elnūr Beisenbaev Ükımetke deputattyq saual joldady. Ol jerde, Prezident tapsyrmasyna säikes, atalǧan qylmys türıne qarastyrylǧan qoldanystaǧy jazalardy barynşa qataŋdatu üşın zaŋ jobasyn äzırleu sūraldy. Memleket basşysynyŋ tapsyruymen audan äkımderıne jergılıktı biudjettı basqaru qūzyretın endıru de saiasi reformalardyŋ negızgı tetıkterı dep aituǧa bolady. Prezident reformasynyŋ negızgı baǧytynyŋ bırı – jergılıktı biudjetterdı audan äkımderınıŋ özderı basqaruyna beru mäselesı. Būl turaly Qasym-Jomart Toqaev soŋǧy Joldauynda naqty tapsyrma berdı. Menıŋşe, būl – öte qajet, barynşa qoldauǧa tūrarlyq bastama. Sebebı özımız öŋırlerge barǧanda körıp jürmız, dardai audan äkımı degen lauazymy bar. Alaida qolynda audandaǧy keibır äleumettık mäselelerdı şeşetın qūzyretı joq. Öitkenı ol azamattarǧa qolynda bar biudjettı basqaru, jūmys ıstetu mümkındıgı berılmegen.
Janarbek ÄŞIMJAN, Mäjılıs deputaty
