2020 jyldan bastap mındettı äleumettık medisinalyq saqtandyru jüiesı ıske qosylatyny belgılı. Sonyŋ aiasynda elorda tūrǧyndaryna ekı türlı paket boiynşa medisinalyq kömek körsetıledı. Būl turaly Äleumettık medisinalyq saqtandyru qory Nūr-Sūltan qalasy boiynşa filialynyŋ baspasöz qyzmetı mälım ettı.
Onyŋ bırınşısı – kepıldendırılgen tegın medisinalyq kömek paketı. Därıgerlık kömektı qajet etetın şūǧyl jaǧdailarda kömek körsetu, jedel järdem, sanitarlyq aviasiia, bırqatar sozylmaly aurulardy dinamikalyq baqylau, şūǧyl jaǧdaida stasionarda emdeu osy paket şeŋberınde jüzege asyrylady. Iаǧni, memleket tarapynan kepıldık berılgen kömek boiynşa, saqtandyrylǧan-saqtandyrylmaǧanyna qaramastan, barlyq azamattar emhanaǧa qaralyp, stasionarda jatyp emdele alady; äleumettık maŋyzy bar aurular osy paket negızınde tegın emdeledı. Medisinalyq oŋaltu qyzmetın tek tuberkulezge şaldyqqandar ǧana paidalana alady. Kömek qajet etetın azamattarǧa palliativtık qyzmet (kömek) körsetıledı. Negızgı jūqpaly emes aurular men qorşaǧan ortaǧa qauıp töndıretın jūqpaly aurular da osy tärtıp boiynşa emdeledı.
Atalǧan paket şeŋberındegı bastapqy medisinalyq-sanitarlyq kömek tūrǧyndar tırkelgen emhanalar tarapynan körsetıledı. Mūndai kömek türıne profilaktikalyq ekpeler men skriningter, jüktı äielder men bır jasqa deiıngı balalardy därıgerlık baqylau, sozylmaly aurular men äleumettık maŋyzy bar aurulardy dinamikalyq baqylau syndy medisinalyq qyzmet türlerı kıredı.
Al ekınşı paket – mındettı äleumettık medisinalyq saqtandyru paketı. Oǧan tabysy ortaşa azamattardyŋ qaltasy kötere bermeitın joǧary tehnologiialyq medisinalyq qyzmetter, auruhanaǧa jatuǧa sebep bolǧan, asqynǧan aurulardy (estetikalyq maqsatta jasalǧan plastikalyq operasiialardy qospaǧanda) emdeu, MRT, kompiuterlık tomografiia, PSR-analiz, qanmen jäne qan komponentterımen qamtamasyz etu, medisinalyq oŋaltu jäne qalpyna keltıruge baǧyttalǧan em-dom şaralary, emdık tamaqtanu, t.s.s kıredı.
«Mındettı äleumettık medisinalyq saqtandyrudyŋ bızge ne qajetı bar?» degen saualdy jiı estimız. Bızdıŋ elde azamattar densaulyqqa jūmsalatyn jalpy şyǧynnyŋ şamamen 40 paiyzyn öz qaltalarynan töleidı. Därı-därmek satyp alady, aqyly klinikalarǧa qaralady. Bır sözben aitqanda, otbasynyŋ bır müşesı auyra qalsa, köŋıl-küiden bölek, otbasy biudjetıne de edäuır salmaq tüsıretını dausyz. Jaŋa jüie osy şyǧyndardyŋ belgılı bır bölıgın saqtandyru esebınen jabuǧa mümkındık beredı. Reformanyŋ maŋyzy mıne, osynda.
Taǧy bır aita keterlıgı, tegın medisinalyq kömektı memlekettık qana emes, jeke menşık klinikalar da körsetedı. Äleumettık medisinalyq saqtandyru qory Nūrsūltan qalasy boiynşa filialynyŋ direktory Nūrlybek Qabdyqaparovtyŋ aituynşa, biyl elordada memlekettık tapsyrysty oryndap jatqan 93 medisina ūiymynyŋ 58-ı – jeke menşık. Byltyrǧy jylmen salystyrǧanda jekemenşık klinikalar sany 9-ǧa köbeigen. Būl san 2020 jyly būdan da köbeiuı mümkın. Iаǧni, medisina ūiymdarynyŋ arasynda bäsekelestık artyp, medisinalyq qyzmet sapasy artady.
