Nūrsūltan Nazarbaev qory men Tembekile Mandela qory özara tüsınıstık turaly memorandumǧa qol qoidy.
Nūr-Sūltan qalasyna jūmys saparymen Tembekile Mandela qorynyŋ negızın qalauşy ärı atqaruşy direktory Ndileka Mandela kelısımen Nūrsūltan Nazarbaevtyŋ qoryna bardy. Qordyŋ atqaruşy direktory Qanat Jūmabaevpen kezdesu ötkızdı.
Ndileka Mandela Nūrsūltan Nazarbaev qorynyŋ qyzmetımen tanysyp, öz qorynyŋ jūmysy jaily äŋgımeledı.
Ndileka Mandela – Oŋtüstık Afrika Respublikasynyŋ Tūŋǧyş Prezidentı, Nobel syilyǧynyŋ laureaty Nelson Mandelanyŋ ülken nemeresı. Ol BŪŪ qamqorlyǧyndaǧy halyqaralyq baǧdarlama aiasynda «Lidery kak Mandela» (Leading like Mandela) jäne äkesınıŋ qūrmetıne arnap Tembekile Mandela qoryn qūrǧan.
Onyŋ aituynşa, atalǧan qor 2014 jyly qūrylǧan. Qordyŋ basty mındetı – Nelson Mandela men onyŋ ūly Tembekile Mandelanyŋ ızgı ısterın jalǧastyru häm nasihattau.
Öz kezegınde Qanat Jūmabaev Nūrsūltan Nazarbaev qorynyŋ qyzmetıne toqtala kele, ekı ūiymnyŋ köptegen baǧyty ūqsas ekenın erekşe atap öttı. Ekı qor da äleumettık jäne bılım beru salasyndaǧy jobalardy, jastardyŋ özın-özı damytuy syndy özge de ılkımdı ısterdı jüzege asyrady.
Qoǧamdyq ärı saiasi qairatker retınde Ndileka Mandela Qazaqstannyŋ Tūŋǧyş Prezidentı Nūrsūltan Nazarbaevtyŋ bastamalaryn belsendı türde qoldaitynyn ataǧan jön. Būl qoldau igı şarany jüzege asyrudan baiqalady. Elbasynyŋ bastamasymen qolǧa alynǧan «G-Global» halyqaralyq jobanyŋ Afrikadaǧy ökıldıgınıŋ basşysy bolyp tabylady.
Ndileka Mandela «G-Global» halyqaralyq qorynyŋ töraiymy «BŪŪ-2030 kün tärtıbı men TDM ıske asyruǧa jastardyŋ ülesı», «Jıbek joly jahandyq syilyǧy» / «Global Silk Road Award» halyqaralyq keŋesınıŋ müşesı, iadrolyq qauıpsızdık pen iadrolyq qarudan azat älem üşın köşbasşylardyŋ jahandyq aliansy qyzmetın atqarady.
