«Nūr Otan» partiiasy Astana qalalyq filialynyŋ mäjılıs zalynda atalmyş ūiymnyŋ 15 jyldyǧyna arnalǧan
saltanatty şara öttı.
Şara barysynda partiia ökılderın aituly künmen şyn jürekten qūttyqtaǧan «Nūr Otan» partiiasy Astana qalalyq filialy töraǧasynyŋ bırınşı orynbasary Sapar Ahmetov partiianyŋ 15 jyldyǧyn merekeleu öte jauapty kezeŋge säikes kelıp otyrǧanyn, öitkenı, qoǧam «Mäŋgılık el» ūlttyq ideiasyn basşylyqqa ala otyryp, Elbasy aiqyndaǧan älemnıŋ damyǧan 30 elınıŋ qataryna enu maqsatyn qolǧa alǧanyn aitty.
«Halyqpen bırge tabysty da auyr joldan ötken partiia on bes jyl ışınde maŋyzdy qadamdarǧa bara otyryp, köptegen igılıktı ısterge bastamaşy bola bıldı. Eŋ bastysy, halyq senımıne ie boldy» degen qalalyq filial töraǧasynyŋ bırınşı orynbasary «Qazaqstan-2050» strategiiasy men «Nūr Otan» partiiasynyŋ baǧdarlamalyq maqsattaryn oryndauǧa, partiianyŋ bügıngıdei jaǧdaiǧa jetuıne üles qosqandary üşın ärıptesterıne şynaiy alǧys bıldırdı.
Sol künı partiia qatary taǧy alty adammen tolyqty. Olarǧa partiia biletterın saltanatty jaǧdaida tabys etkennen keiın Sapar Qairatūly «Nūr Otan» partiiasy saiasi keŋesı biurosynyŋ qaulysyna säikes, bır top ärıptesterın «Belsendı qyzmetı üşın» tösbelgısımen marapattady. Olardyŋ qatarynda L.Gumilev atyndaǧy Euraziia ūlttyq universitetı halyqaralyq qatynastar kafedrasynyŋ dosentı Ämırjan Älpeiısov, «Nūr Otan» partiiasy Astana qalalyq filialy ūiymdastyru-baqylau jūmysy bölımınıŋ keŋesşısı Qymbat Būlanbaeva, «Sesna» korporasiiasy AQ Direktorlar keŋesınıŋ töraǧasy, Astana qalalyq mäslihatynyŋ deputaty Serık Jaqsybekov, Esıl audanynyŋ äkımı Säbila Mūstafina jäne t.b. boldy.
Ūlt köşbasşysy, partiia Töraǧasy Nūrsūltan Nazarbaevtyŋ syndarly saiasatyn jüzege asyruǧa atsalysyp, partiianyŋ baǧdarlamalyq maqsattary men mındetterın oryndauǧa qatysqan jäne azamattyq belsendılık tanytqany üşın Astanadaǧy №1 qalalyq emhananyŋ bas därıgerı Küljan Anasova, №53 mektep-liseidıŋ direktory Qazbek Äbdıräsılov, İnternasionalnyi tūrǧyn alaby bastauyş partiia ūiymynyŋ töraiymy Maira Älımhanqyzy, №7 emhananyŋ bas därıgerı Aigül Quanyşeva jäne t.b. «Alǧys hatpen» marapattalsa, Elbasynyŋ strategiialyq baǧytyn jäne partiianyŋ baǧdarlamalyq maqsattary men mındetterın ıske asyruǧa, elımızdıŋ qoǧamdyq-saiasi ömırıne belsene atsalysqan taǧy bır top azamat «Qūrmet gramotasyna» ie boldy.
Saltanatty şara soŋynda söz alǧan Ä.Älpeiısov on bes jyl ışınde el täuelsızdıgın nyǧaitu jolynda partiia tarapynan ülken jūmystar atqarylǧanyn aitsa, partiiaǧa jaŋadan müşelıkke engender Elbasynyŋ ideialary men josparlaryn qoldaityndyqtaryn, Prezidenttıŋ bastamalaryna senetındıkterın, bolaşaqta el üşın, partiia üşın jūmys ısteuge daiyn ekendıkterın jetkızdı.
Gülbarşyn ÖKEŞQYZY
