«Astana qalasynyŋ äkımı Ädılbek Jaqsybekovtıŋ töraǧalyǧymen ötken kezektı apparat otyrysy barysynda elordalyq sauda oryndaryndaǧy jaǧdai, «AstanaBike» jobasynyŋ jüzege asyryluy, tūrǧyndardyŋ ötınışterı men şaǧymdaryna jedel jauap beru mäselelerı söz boldy» dep habarlady qala äkımınıŋ baspasöz qyzmetı.
Ä. Jaqsybekov qala tūrǧyndarynan kelıp tüsken ötınış-tılekter men şaǧymdarǧa airyqşa taldau jürgızu kerek ekendıgın atap öttı. Aǧymdaǧy jyldyŋ 18 aqpanynda ötken äkımnıŋ halyqqa esep beru kezdesuınıŋ qorytyndysy boiynşa, 186 auyzşa jäne jazbaşa ötınış qabyldanǧan. Onyŋ 38-ınıŋ oryndalu uaqyty 2017 jylǧa deiın bolsa, 62-sı tolyǧymen şeşılgen, al 86 ötınışke tüsındırme berıldı. Elorda äkımı, sondai-aq, kezektı esep beru kezdesuıne daiyndala beru kerektıgın aitty.
Sauda oryndarynda arnauly jūmys toptary qūrylsa da, bırqatar şeşılmegen mäseleler bar. Iаǧni, «Şaryn» jäne «Şanhai» sauda ortalyqtarynda köbınese oŋtüstık öŋırlerge qatynaityn qalaaralyq avtobustar aialdaityn «avtotūraq» qalyptasqan. Būl rette jolauşylar zaŋsyz tasymaldanady jäne qauıpsızdık erejelerı saqtalmaidy.
– Atalǧan mäsele bır künde paida bolǧan joq. Mūndai jaǧdai temır jol vokzaly töŋıregınde de bar. Tūraqaqysyn alatyn avtobustardyŋ kestesın jäne kezegın jasaityn adamdar da joq emes, – dedı äkım.
Otyrys qorytyndysy boiynşa mümkındıgınşe avtobeket jūmysyn, qala aumaǧynda jolauşylardyŋ mınıp-tüsu oryndaryn, tehnikalyq tekserudı jäne reis aldynda jürgızuşılerdı medisinalyq tekseruden ötkızudı ūiymdastyru jükteldı.
Qala äkımı, sondai-aq, «AstanaBike» jobasyn tırkeudı jeŋıldetudı, tehnikalyq aqaulardy joiudy jäne jobany tūrǧyndar arasynda keŋınen nasihattaudy tapsyrdy.
