Keşe Astana qalasynyŋ Tılderdı damytu jäne arhiv ısı basqarmasy «Ruhani jaŋǧyru» baǧdarlamasynyŋ «Jaŋa gumanitarlyq bılım. Qazaq tılındegı 100 jaŋa oqulyq» jobasy şeŋberınde audarylǧan 18 kıtapqa qatysty döŋgelek üstel mäjılısı öttı.
«Qazaq tılındegı 100 jaŋa oqulyq – ülken megajoba. Onyŋ ışınde äleumettanu da, psihologiia da, ıskerlık mäselelerge qatysty dünieler de bar. Filosofiianyŋ eskısı de, jaŋasy da tūr. Al oqulyqtardyŋ avtorlary – älemge eŋ äigılı ǧalymdar. Būl kıtaptar 34 tılde 44 million tirajben dünie jüzıne taralǧan. Bır sözben aitqanda, taŋdauly oqulyqtar. Endı osy kıtaptardyŋ negızınde bılım salasy reformadan sättı ötıp şyǧady dep oilaimyn» dedı filologiia ǧylymdarynyŋ doktory, professor, qoǧam qairatkerı Ädıl Ahmetov.
Filolog ǧalym Şäkır Ybyraev äzırge ana tılımızge audarylǧan 18 kıtap arqyly bız älemdık örkeniettıŋ jetıstıkterıne bet būrǧanymyzdy, būl oqulyqtar halqymyzǧa şyn mänınde Europaǧa terezenı aşatynyn aitty. Ǧalym, sonymen qatar, audarǧan kezde eŋ bastysy terminologiiany «köje» qylyp almauymyz kerektıgın, ol üşın kıtapty audaruşylar 1-2 adamnan aspau kerek dep atap öttı.
Oqulyqtardy audarǧanda moraldyq, etikalyq mäselelerge de mūqiiat bolu qajettıgın aitqan ǧalymdar salany jetık bıletın mamandardyŋ pıkırıne süienu kerektıgın söz ettı.
