1 mausym – Balalardy qorǧau künıne orai keşe elordada qaiyrymdylyq şarasy ötkızıldı. «Kömek» äleumettık kömek körsetu ortalyǧy men Astana qalasynyŋ mügedek balalar qoǧamy bırlese ūiymdastyrǧan jiynǧa 100-den asa büldırşın qatysty.
– Bızdıŋ ūiym 1999 jyly qūrylǧan. Al äleumettık kömek körsetu ortalyǧy 2008 jyldan berı memlekettıŋ qoldauymen qyzmet etıp keledı. Järdemge mūqtaj ūl-qyzdarǧa qol ūşyn beru maqsatynda türlı jūmystar atqaramyz. Qatarymyzdaǧy erıktıler şahardaǧy sauda oryndarymen kelısıp, ortalyqqa kiım-keşek jetkızıp tūrady. Tūrmysy tömen jäne köp balaly otbasy müşelerıne olardy tegın ūsynamyz. Būdan bölek, balaqailardy saiabaqta qydyrtyp, Burabaiǧa aparamyz. İppoterapiiamen, kanisterapiiamen şūǧyldandyramyz, – dedı Astana qalasynyŋ mügedek balalar qoǧamy töraǧasynyŋ orynbasary Aigül Bolatova.
Syilyq qūşaqtaǧan säbilerdıŋ bal-būl janǧan jüzderın körıp, bızdıŋ de ışımız jylydy. Ata-analary da dän riza. «Ortalyqpen tanysqanymyzǧa bır jyldai uaqyt boldy. Eşqandai merekeden qūr qaldyrǧan emes. Demeuşılerge alǧystan basqa aitarymyz joq» dep aǧynan aqtaryldy Aqtılek atty böbektıŋ anasy Jūldyz Aldajarqyzy. Mereke soŋynda balalar aspanǧa qyzyldy-jasyldy şarlar ūşyryp, dastarqannan däm tatty.
Botagöz MARATQYZY
