Mekteptegı medisinany bılım beru salasynan densaulyq saqtau jüiesıne beru turaly bastamany Astana qalasy bırınşı bolyp qoldady. Elorda äkımı Ädılbek Jaqsybekovtıŋ tapsyrmasymen küllı mekteptegı medisinalyq kabinetterdı Densaulyq saqtau basqarmasyna beru turaly Jol kartasyna qol qoiyldy.
Mektep medisinasy – ülken sala. Soŋǧy jyldary oquşylardyŋ arasynda ärtürlı aurular köbeiıp ketken. Mysaly, profilaktikalyq tekserulerdıŋ nätijesı boiynşa soŋǧy üş jylda jetkınşekterdıŋ arasynda tynys alu organdarynyŋ aurulary bırınşı orynǧa şyqqan. Ekınşı orynda as qorytu jüielerınıŋ syrqaty bolsa, üşınşı orynda – köz aurulary. Sondyqtan mekteptegı medisinany käsıbi mamandardyŋ qolyna tapsyryp, erekşe köŋıl audaru qajet.
Astana qalalyq Densaulyq saqtau basqarmasynyŋ basşysy Erık Baijünısovtıŋ aituynşa, būl mekteptegı medisinanyŋ sapasyn arttyryp qana qoimai, onda jūmys ısteitın medbikelerdıŋ jüktemesın de azaitpaq. Aitalyq, negızgı normativ boiynşa mektepte jūmys ısteitın bır medbikenıŋ qarauynda 600 bala boluǧa tiıs. Qazırgı jaǧdai boiynşa bır medisina qyzmetkerı 3 myŋnan astam oquşyny qarauǧa mäjbür. Al Bılım basqarmasynyŋ basşysy Elmira Suhanberdievanyŋ aituynşa, mektep medisinasy Densaulyq saqtau basqarmasynyŋ qarauyna ötse de basqarma būl mäselege jauapty bolyp qala bermek. «Soŋǧy jyldary mekteptegı medisinalyq kabinetterge tiıstı lisenziialardan bölek, qajettı qūral-jabdyqtar, därı-därmekter alyndy. Būl özgerıster eŋ aldymen elımızdıŋ bolaşaǧy – balalardyŋ densaulyǧyn jaqsartuǧa baǧyttalǧan» deidı ol.
Mektep medisinasyn Densaulyq saqtau basqarmasynyŋ qarauyna beru kezeŋ-kezeŋmen jüzege asyrylatyn bolady. Osyǧan säikes, mūnda jūmys ısteitın medisina qyzmetkerınıŋ qyzmettık mındetterı men rölı qaita qaralyp, ştattyq normativterın esepteu jürgızıledı.
Qymbat Toqtamūrat
Materialdy «Astana aqşamy» gazetınıŋ astana-akshamy.kz resmi saityna sılteme jasaǧanda ǧana paidalanuǧa rūqsat etıledı.
