Qasym-Jomart Toqaev Resei Federasiiasynyŋ Prezidentı Vladimir Putinmen, Özbekstan Respublikasynyŋ Prezidentı Şavkat Mirziioevpen jäne Täjıkstan Prezidentı Emomali Rahmonmen telefon arqyly sūhbattasty.
Prezident Vladimir Putinmen äŋgıme barysynda taraptar Qazaqstan men Resei arasyndaǧy barlyq baǧyttar boiynşa ekıjaqty qarym-qatynastardyŋ damuy oŋ dinamikada, strategiialyq ärıptestık jäne odaqtastyq sipatynda örbıp kele jatqanyn atap öttı. Qazaqstan men Resei COVID-19 ındetınıŋ zardaptaryn eŋseru, köpjaqty qūrylymdar aiasyndaǧy jūmystardy üilestıru boiynşa özara tiımdı yntymaqtasty odan ärı nyǧaituǧa beiıldı ekenderın naqtylady. Vladimir Putin bauyrlas Qazaqstan halqyna jaŋajyldyq qūttyqtauy men ızgı tılegın jetkızudı sūrady. Özbekstan Prezidentı Şavkat Mirziioevpen sūhbat kezınde berık bauyrlastyqqa jäne tatu körşılıkke negızdelgen qazaq-özbek serıktestıgın tereŋdetu ısıne oŋ baǧa berıldı. Memleket basşylary biylǧy jyldyŋ qorytyndylaryn joǧary baǧalap, saiasi, sauda-ekonomikalyq jäne mädeni-gumanitarlyq bailanystardy keŋeitu üşın küş bırıktırudıŋ, sondai-aq, Ortalyq Aziiadaǧy aimaqtyq ūjymdasudyŋ maŋyzdylyǧyn aitty. Qasym-Jomart Toqaev pen Şavkat Mirziioev bır-bırın Jaŋa jylmen qūttyqtap, jürekjardy tılekterın aitty. Täjıkstan Prezidentı Emomali Rahmonmen äŋgıme barysynda Qazaqstan Prezidentı damudyŋ joǧary qarqynyn körsetıp otyrǧan memleketaralyq yntymaqtastyqtyŋ qazırgı jaǧdaiyn oŋ baǧalady. Täjıkstan Prezidentı ekı eldıŋ halyqaralyq arenada odaqtas jäne barlyq baǧyttar boiynşa ekıjaqty yntymaqtastyqty nyǧaituǧa müddelı ekenın atap öttı. Memleket basşylary bır-bırın Jaŋa jylmen qūttyqtady.
