Memleket basşysy Astana ainalasyndaǧy jer telımderın beruge moratorii jariialady
QR prezidentı Nūrsūltan Nazarbaev Astana qalasyn odan ärı damytu mäselelerıne arnalǧan keŋes ötkızdı. Būl turaly Aqordanyŋ baspasöz qyzmetınen habarlady.
Elbasy elorda maŋaiyndaǧy audandarda jer mäselelerıne qatysty tärtıp joqtyǧyn, sonyŋ saldarynan jer aumaqtaryn öz betımen basyp aludyŋ kezdesıp jatatynyn atap öttı.
«Astana maŋyndaǧy jerlerdı igeru jüiesız jürgızılude. Adam sany qazırdıŋ özınde 2015 jylǧa boljanǧan mejeden asyp barady. Bügınde onda 156 myŋ adam tūryp jatyr, al jer telımderın alu kezegınde 175 myŋ adam tūr. Azamattarǧa 10 sotyq jer tiesılı ekendıgın paidalanyp, adamdar ötınış berude. Bıraq ol jerlerdı kommunikasiia jürgızılgen jerlerden ǧana beruge bolady. Eger jerler daiyn bolmasa, onda ol paidalanuǧa berılmeuge tiıs. Būl tūsta tärtıp ornatu qajet. Sondyqtan men Astana ainalasyndaǧy 30 şaqyrymdyq aimaqtan jer telımderın beruge moratorii jariialaimyn, – dedı Nūrsūltan Nazarbaev.
Sonymen qatar, Nūrsūltan Nazarbaev jaqynda «Astanabasjospar» ǦZÖİ» JŞS-ny aralau barysynda elordany damytu mäselesı qaralǧanyn atap öttı.
«Qala tūrǧyndary köbeiıp, 900 myŋǧa jettı, al bız būl körsetkışke 2020-2030 jyldary jetemız dep josparlaǧanbyz. Osyǧan bailanysty qala qūrylysy halyqtyŋ qarqyndy ösuıne ılese almai otyr, sonyŋ saldarynan türlı qiynşylyq tuyndauda. Ärine, bız elımızdegı barlyq qalanyŋ damuy üşın jūmys jasaimyz, bıraq elordaǧa erekşe nazar audaryluǧa tiıs. Biylǧy köktemde men keŋes ötkızıp, bırqatar tapsyrmalar berdım. Men olardyŋ ıske asyrylu barysymen tanystym, alaida aldymyzǧa tiıstı şeşımder qabyldau qajet bolatyn jaŋa mındetter qoiylyp otyr», – dedı Qazaqstan Prezidentı.
Būǧan qosa, Qazaqstan Prezidentı Aqmola oblysynyŋ äkımıne elordanyŋ maŋynda ornalasqan barlyq eldı mekennıŋ bas josparyna tüzetu engızudı, al Bas prokurorǧa – Astanadaǧy qylmystyq ahualǧa taldau jasap, qūqyq būzuşylyqtyŋ aldyn aludy küşeitudı tapsyrdy.
http://astana.gov.kz
