MEMLEKETTIK QYZMETKE ORNALASU OŊAILANA TÜSTI

26 aqpan künı Astana qalasy äkımdıgınde Qazaqstan Respublikasy Memlekettık qyzmet ısterı agenttıgınıŋ Astana qalasy boiynşa departamentı basşysy – Tärtıptık keŋes töraǧasy Tılegen Qaskinnıŋ qatysuymen Qazaqstan Respublikasy Memlekettık qyzmet ısterı agenttıgı Töraǧasynyŋ 2013 jylǧy 11 jeltoqsandaǧy №06-7/179 būiryǧymen memlekettık qyzmetkerlerdı jäne memlekettık äkımşılık lauazymdarǧa ornalasuǧa kandidattardy testıleu ūiymdastyruǧa, bos äkımşılık memlekettık lauazymǧa ornalasuǧa konkurs ötkızu jäne konkurs komissiiasyn qalyptastyru qaǧidalaryna engızılgen özgerısterge bailanysty seminar-keŋes öttı.

Oǧan Astana qalasyndaǧy memlekettık organdardyŋ personaldy basqaru qyzmetı, «Memlekettık qyzmettıŋ personalyn basqaru ūlttyq ortalyǧy» AQ basşylyǧy men Qazaqstan Respublikasy Prezidentınıŋ janyndaǧy Memlekettık basqaru akademiiasy, Halyqqa qyzmet körsetu ortalyǧy, Call-center bıryŋǧai bailanys ortalyǧy, sondai-aq «Ūlttyq aqparattyq tehnologiialar» AQ qyzmetkerlerı qatysty.

Departamenttıŋ memlekettık qyzmet personalyn basqaru bölımınıŋ meŋgeruşısı G.Äbdırahmanova, atalǧan bölımnıŋ konsultanty K.Jienbaeva zaŋnamalarǧa engızılgen özgerısterge bailanysty baiandama jasap, seminarǧa qatysuşylardyŋ saualdaryna jauap berdı. Al «Memlekettık qyzmettıŋ personalyn basqaru ūlttyq ortalyǧy» AQ Prezidentı A. Jūmabek onlain jüiede ümıtkerdıŋ testıleuden ötuı üşın ötınıştı qalai beru kerektıgı turaly tüsındırıp öttı. Sonymen qatar, seminar-keŋes barysynda Departamenttıŋ İnspeksiia jäne baqylau bölımınıŋ meŋgeruşısı M.Batyrhanov «Memlekettık körsetıletın qyzmetter turaly» Zaŋynyŋ oryndaluy, memlekettık qyzmet körsetu sapasyn arttyru men ony qadaǧalau barysy jäne Tärtıptık keŋestıŋ 2013 jyl qorytyndysy turaly baiandama jasasa, departament basşysynyŋ orynbasarlary Ä.Baskeev pen B.Asainov Astana qalasyndaǧy memlekettık organdardyŋ personaldy basqaru qyzmetı basşylarynyŋ sūraqtaryna qosymşa tüsındırmeler berıp öttı. Qazaqstan Respublikasy Prezidentınıŋ janyndaǧy Memlekettık basqaru akademiiasynyŋ käsıbi qūzyrettı zertteu ortalyǧynyŋ meŋgeruşısı, professor L.Asylbekovanyŋ memlekettık qyzmettıŋ personalyn basqarudaǧy äleumettık-basqaru tehnologiiasyna bailanys­ty leksiiasy da qatysuşylardyŋ köŋılınen şyqty.

Bügınnen, iaǧni 1 nauryzdan bas­tap öz küşıne enetın özgerıster memlekettık qyzmetke ornalasu üşın test tapsyru men konkursqa tüsudı ekı ese jeŋıldete tüsken. Endı kez-kelgen azamat halyqqa qyzmet körsetu ortalyqtaryna barmai-aq, elektrondy ükımettıŋ portaly arqyly ötınış toltyryp, test tapsyru mezgılı men mekenın özderınıŋ yŋǧaiyna qarai taŋdai alady.