Elordada memlekettık mekemeler qyzmetkerlerınıŋ dästürlı spartakiadasy märesıne jettı. Qazaqstan Respublikasy Täuelsızdıgınıŋ 25 jyldyǧyna arnalyp ötkızılgen jarystyŋ jeŋımpazdary men jüldegerlerın Astana qalasynyŋ äkımı Ädılbek Jaqsybekov qūttyqtap, saltanatty jaǧdaida Kubok tapsyrdy.
Astana qalasy Dene tärbiesı jäne sport basqarmasy ūiymdastyrǧan keşendı jarysqa elordadaǧy barlyq memlekettık mekemeler qatysty. Jarys jolyna şyqqan äuesqoi sportşylar şahmat, üstel tennisı, voleibol, biliard, futbol, arqan tartu jäne jeŋıl atletikalyq estafeta boiynşa saiysqa tüsken. Jalpy, mälımet boiynşa 500-ge juyq
qyzmetker spartakiada qatysuşysy boldy.
Spartakiada jüldelerı ekı baǧytta sarapqa salyndy. Jalpy memlekettık mekemeler qyzmetkerlerı özara jarysqa tüsse, küştık qūrylymdar arasyndaǧy saiystar bölek ūiymdastyryldy.
Sonymen üş aiǧa jalǧasqan spartakiadanyŋ qorytyndysynda memlekettık mekemeler qyzmetkerlerı arasynda Astana qalasynyŋ Qazynaşylyq departamentı ūjymy bırınşı oryndy jeŋıp aldy. Jeŋımpaz komanda jalpy esepte 337 ūpai jinady. Ekınşı orynǧa 316 ūpai enşılegen Astana qalasynyŋ Qūrylys basqarmasy ie boldy. Üşınşı orynǧa Astana qalasynyŋ Memlekettık mülık jäne jekeşelendıru departamentı taban tıredı. Äsırese, osy üş komandanyŋ arasyndaǧy futbol bäsekesı öte tartysty ötkenın atap aituǧa bolady. Dop dodasynda Memlekettık mülık jäne jekeşelendıru departamentınıŋ futbolşylary jeŋıske jetken edı. Ekınşı orynǧa Qazynaşylyq departamentını qyzmetkerlerı ie bolsa, Qūrylys basqarmasynyŋ ūjymy qola jüldenı qanaǧat tūtqan edı.
Al, küştık qūrylymdar arasyndaǧy bäsekede Astana qalasynyŋ Tötenşe jaǧdailar jönındegı departament komandasy top jardy. Astana qalasynyŋ Memlekettık kırıster departamentı qyzmetkerlerı ekınşı orynnan körındı. Al üzdık üştıktı Astana qalasynyŋ Işkı ıster departamentı komandasy tüiındedı.
Sonymen, Astana qalasyndaǧy memlekettık mekemeler qyzmetkerlerı arasyndaǧy spartakiada öz märesıne jettı. Jeŋımpazdar men jüldegerlerge diplomdar, medaldar jäne syilyqtar tabys etıldı.
Ǧalym QOJABEKOV
