Nūr-Sūltan qalasynda «Memlekettık qyzmetterdı avtomattandyrudyŋ tiımdılıgı» taqyrybynda onlain brifing öttı. Şaraǧa qalalyq «Ädılet» bılım qyzmetkerlerı käsıpodaǧynyŋ töraǧasy Batyr Äliev, Bılım salasynda sapany qamtamasyz etu departamentınıŋ basşysy Baǧymgül Köptıleuova, «Qoldau» «Bılım beru ūiymdarynyŋ qamqorşylyq keŋesı» qoǧamdyq bırlestıgınıŋ töraǧasy Farida Eivazova qatysty. 
«Departament Elektrondyq ükımet portaly men Memlekettık korporasiia arqyly bılım beru qyzmetımen ainalysuǧa lisenziia jäne bılım beru ūiymdarynan şyǧatyn resmi qūjattardy räsımdeu qyzmetterın körsetedı. Qyzmetterdı avtomattandyru tek qana memlekettık mekeme üşın ǧana emes, halyq üşın de öte tiımdı. Sondai-aq memlekettık organdardy aqparattandyrudyŋ servistık modelın engızu men retteu olardyŋ qyzmetınıŋ tiımdılıgın arttyruǧa mümkındık beredı. Memlekettık qyzmetter tiıstı standarttar men reglamentke säikes jüzege asyrylady» dedı departament basşysy Baǧymgül Köptıleuova.
Qoldanystaǧy zaŋnamaǧa säikes memleket körsetetın qyzmettı elektrondyq nysanda körsetu Elektrondy ükımet portaly arqyly jüzege asady. «Körsetılgen qyzmettı aluşy ornalasqan jerıne qaramastan internetke kıru mümkındıgı bar bolsa, Elektrondy ükımet portaly arqyly ötınış bere alady. Memlekettık qyzmettı körsetu talaptary men tärtıbı qaǧidalar men standarttarǧa säikes oryndalady. Sonymen qatar, lisenziia beru tärtıbı ünemı jaŋartylyp otyrady» dep atap öttı ol.
