Memlekettık tu – maqtanyşymyz
Mädeniet jäne sport ministrı Aqtoty Raiymqūlova Memlekettık tudy paidalanu turaly zaŋnamaǧa qandai özgerıster engenın mälım ettı.
Memleket basşysy Q.Toqaevtyŋ Memlekettık tudy paidalanuǧa qatysty memlekettık rämızderdı paidalanu qaǧidalaryn qaita qarau tapsyrmasyn oryndau aiasynda QR Ükımetınıŋ 2020 jylǧy 27 qaraşadaǧy №801 qaulysymen QR Memlekettık tuyn, eltaŋbasyn jäne olardyŋ beinelerın, Memlekettık gimnnıŋ mätının paidalanu qaǧidalaryna özgerıster engızıldı. Būl özgerıster arqyly azamattarymyz üşın Memlekettık tudy paidalanu aiasy zaŋnamalyq tūrǧyda keŋeitıldı.
Eŋ aldymen QR Memlekettık tuyn jeke jäne zaŋdy tūlǧalar ǧimarattarda, onyŋ ışınde balkondarda jäne saltanatty ıs-şaralar ötkızıletın oryndarda patriottyq sezımderın, qazaqstandyq bıregeilıgın bıldıru üşın, el azamattarynyŋ jetıstıkterın qoldau maqsatynda paidalana alady. Sonymen qatar jeke tūlǧalarǧa osy qaǧidalarǧa engızılgen özgerısterge säikes, QR Memlekettık tuyn bır qabatty nemese köp qabatty ǧimarattarda ekstererlı nūsqada ornalastyru kezınde ǧimarattyŋ säulet erekşelıkterıne qaramastan paidalanu mümkındıgı berıldı. Būdan bylai jeke tūlǧalar ǧimarattarda ornalastyrylatyn Memlekettık tudy qaraŋǧy uaqytta jaryq qūraldaryn qoldanbai-aq paidalana alady.
Sonymen bırge Nūr-Sūltan, Almaty, Şymkent qalalarynyŋ jäne oblys äkımdıkterı jyl saiyn qazaqstandyqtar arasynda memlekettık rämızderdı därıpteu jäne patriotizmge tärbieleu maqsatynda «Menıŋ tuym, menıŋ Otanym!» şarasyn ötkızetın bolady.