Keşe qalalyq äkımdıktıŋ ülken zalynda Astananyŋ 20 jyldyq mereitoiyna arnalǧan saltanatty jiyn öttı.
Astana äkımı Äset İsekeşev jinalǧandardy jäne barşa qala jūrtşylyǧyn elordanyŋ 20 jyldyq mereitoiymen qūttyqtady.
– Astana – Saryarqa tösınde salynǧan ırı megapolis, täuelsızdıktıŋ simvoly. Elorda – Elbasynyŋ töl tuyndysy. Bügınde Astana 20 jyldyq mereitoiyna zor tabystarmen, salmaqty jetıstıkterımen jetıp otyr. Elordany älı de älemnıŋ ozyq şaharlarymen terezesı teŋ, tūrǧyndary baquatty qalaǧa ainaldyru qolǧa alynuda. Būǧan bızdıŋ tolyq täjıribemız bar. Sondyqtan qalamyzdyŋ keleşegı kemel, jarqyn sätterı köp bolady dep senemız. Mereke qūtty bolsyn! – dedı qala basşysy öz sözınde.
Jiyn barysynda Äset İsekeşev Astananyŋ būrynǧy basşylyq qyzmetınde bolǧan, elordanyŋ salynuyna, damuyna üles qosqan ardagerler men ziialy qauym ökılderın, qoǧam qairatkerlerın jäne qala basşylyǧyn, äkımdıkke qarasty ūiym jetekşılerın «Astanaǧa 20 jyl» merekelık medalımen marapattady. Marapattau sätınde söz alyp, zamanaui Astanany zor maqtan tūtatynyn aitqan Qazaqstannyŋ Halyq ärtısı Güljan Äspetova qala basşysyna analyq aq tılegın jetkızdı.
