Astana qalasynda «Eŋbek migranttary arasyndaǧy tuberkulez mäselesın būqaralyq aqparat qūraldary arqyly köteru» taqyrybynda seminar-trening öttı.
Ekı künge sozylǧan şarada eŋbek migranttary arasyndaǧy tuberkulez mäselesı jäne osy maqsatta qolǧa alynyp jatqan jobalarǧa qoldau bıldırıp kele jatqan Jahandyq qor turaly jūrtşylyqty habardar ettı. Sondai-aq, osy taqyrypta jazyp jürgen jurnalisterdıŋ praktikalyq daǧdylaryn jaqsartu jaiy söz boldy.
Resmi derekterge süiensek, elımızge jylyna bır millionǧa juyq eŋbek migranty keledı eken. Jūmys ızdep keluşılerdıŋ basym bölıgın Qytai, Özbekstan, Qyrǧyzstan, Resei, Türkiia azamattary qūraidy. Eŋbek migranttary sanynyŋ artuy öz kezegınde bezgek, tuberkulez, AİTV sekıldı bırqatar aurulardyŋ köbeiuıne äser etıp otyrǧany belgılı. Osy maqsatta elımızde byltyrdan berı Project HOPE halyqaralyq densaulyq saqtau ūiymynyŋ qarjylai qoldauymen gastarbaiterlerge tegın medisinalyq kömek körsetu şaralary qolǧa alyndy. Astana, Almaty,
Aqtau, Aqtöbe, Qaraǧandy,
Şymkent jäne Almaty oblysy sekıldı elımızdıŋ 7 öŋırınde tuberkulezge qarsy üş jylǧa josparlanǧan ıs-şaralar jürgızılıp, Densaulyq saqtau jäne äleumettık damu ministrlıgı mamandary eŋbek migranttary arasynda tuberkulezden saqtanu joldary turaly nasihat jūmystaryn jürgızıp, tegın medisinalyq tekseru ötkızude. Bır ǧana Astana qalasynyŋ özınde 10 emhana halyqaralyq densaulyq saqtau ūiymymen kelısım şart jasasyp, syrttan kelgen migranttarǧa tegın kömek körsetıp otyr. Jūmsalǧan qarjyny halyqaralyq qor töleidı.
«Ökınışke qarai, eŋbek migranttary elımızde tegın em bar ekenın bılmeidı. Ükımettık emes ūiymdar sondai azamattardy ızdep tauyp, bızge äkelıp jatyr. Ötken jyly osyndai şaralardyŋ arqasynda ortalyǧymyzda 22 nauqas anyqtalsa, biyl jyl basynan berı taǧy 15 migrant emdelıp şyqty» deidı Astana qalalyq tuberkulezge qarsy dispanserdıŋ bas därıgerı Anna Sepke.
Bürkıt NŪRASYL
