Bas qaladan soŋǧy ekı aida 1 mln tekşe metrden asa qar şyǧaryldy. Būl jönınde elorda äkımınıŋ orynbasary Altynbek Qaisaǧaliev qalanyŋ kommunaldyq qyzmetınıŋ tüngı auysymdaǧy jūmysyn qadaǧalau kezınde mälım ettı, dep habarlady qala äkımdıgınıŋ resmi saity.
Keşe qalada qar tazaluǧa 1091 bırlık arnaiy tehnika jäne 1744 jol jūmysşylary jūmyldyryldy. 25-nen 26-na qaraǧan tünı 879 bırlık arnaiy tehnika jäne 229 jūmysşylary eŋbek ettı. 25 jeltoqsan künı 19638 tekşe metr qar şyǧaryldy (1637 reis). Jalpy qys bastalǧaly 1122475 tekşe metr qar tasyldy (93540 reis).
Jūmys toby aldymen jūrtşylyq köp qatynaityn «Nūrly jol» vokzalynyŋ ainalasyn tekserdı. «Bas qalany qardan tazalau jūmystary üş auysymmen jürgızıledı. Qalany qardan tazartuǧa 900 arnaiy tehnika bırlıgı jūmyldyryldy. Olardyŋ basym bölıgı – «samosval», qar tieitın kölık, avtogreider sekıldı tehnikalar. Sonymen qosa tüngı auysymda jol jiegın tazalau üşın 200 jūmysşy jasaǧy şyqty. Bır aita ketetını, kündızgıge qaraǧanda tüngı auysymda şyǧatyn jūmysşylar sany azdau bolady. Kündız 1500-ge juyq jūmysşy men 1000-ǧa tarta tehnika qar tazalaidy. Tüngı auysymdaǧy qyzmetkerler keşkı saǧat 21:00-den taŋǧy 05:00 aralyǧynda jūmys ısteidı. Jinalǧan qar qala syrtyndaǧy arnaiy poligondarǧa şyǧarylady. Qalamyzdyŋ är audanyna bölıngen poligon bar» dedı Altynbek Qaisaǧaliev. Sondai-aq äkım orynbasary öz sözınde sebılgen reagentter men qūm-tūz qospalary köktaiǧaqtyŋ aldyn alatynyn erekşe atap öttı. Esterıŋızge salsaq, būrnaǧy künderı ötken baspasöz mäslihatynda elorda äkımı Altai Kölgınov tapsyrys berılgen tehnikalardyŋ bır bölıgı jetkızılgenın, taǧy bır bölıgı jaqynda äkelınetının aitqan bolatyn. Būl tūrǧyda eskı tehnikalardyŋ jaǧdaiy qalai bolatynyn Altynbek Qaisaǧaliev tüsındırdı. «Qazırgı uaqytta 157 arnaiy tehnika satyp alyndy. Alaida eskı tehnikalar esepten şyǧarylmaidy. Olar ärı qarai da qoldanyla beredı. Eskı tehnikalardyŋ bır kemşılıgı tez būzylady, köbırek jöndeudı talap etedı. Osyǧan bailanysty jaŋa tehnikalar satyp alu qajet boldy. Jaŋa tehnikalar qaŋtar aiynan bastap ıske qosylady. Bügıngı taŋda qala boiynşa tazalyq jūmysynyŋ 30 paiyzyn «Astana Tazalyq» JŞS jürgızedı. Odan bölek jeke 65 merdıger kompaniia jūmys ısteidı. Al bölıngen qarjy şyǧarylǧan qardyŋ kölemıne tıkelei bailanysty. Bügınge deiın 1 mln tekşe metrden astam qar şyǧaryldy» dedı A.Qaisaǧaliev. Mamandardyŋ mälımetınşe, qala tūrǧyndary tarapynan aula ışın qardan tazalauǧa qatysty şaǧym jiı tüsedı. Būl rette Altynbek Qaisaǧaliev tūrǧyndardyŋ belsendırek boluy kerektıgın aitty. «Är üige qyzmet körsetetın kompaniialar, PİK-ter aula ışın qardan tazalaudy baqylauda ūstauy kerek. Üiden 5 metr qaşyqtyqqa deiın tūrǧyndardyŋ özderı tazalauy tiıs. Al tiıstı deŋgeide jūmys ıstemegen ūiymdarǧa aiyppūldar salynyp jatyr. Şynyn aitu kerek, jūmysyna asqan ūqyptylyqpen de, jürdım-bardym da qaraityn kompaniialar bar. Qazır olarmen tiıstı jūmys jürgızıp jatyrmyz. Sol
siiaqty tūrǧyndar tarapy da belsendı boluy kerek. Qar tazalau jūmystaryn talap etu tiıs. Sebebı qyzmet körsetetın kompaniialarǧa aqşany tūrǧyndar tölep otyr» dep sözın tüiındedı ol. Sonymen qatar, äkım orynbasary «Nūrly jol» vokzalynan keiın «Şūbar» yqşam audanynda jürgızılıp jatqan jūmyspen tanysty.
