Jemqorlyqqa qarsy mädeniet qalai qalyptasady?

№70 mektep-liseiınde elorda äkımınıŋ orynbasary Baqtiiar Mäken men Sybailas jemqorlyqqa qarsy ıs-qimyl agenttıgınıŋ Nūr-Sūltan qalasy boiynşa departamentı basşylyǧynyŋ qatysuymen bas qaladaǧy orta bılım beru ordalary, kolledj jäne mektepke deiıngı ūiymdardyŋ direktorlarynyŋ basyn qosqan sybailas jemqorlyqqa qarsy mädeniettı qalyptastyruǧa arnalǧan jiyn öttı.Jiyn tızgının ūstaǧan Baqtiiar Mäken «Adaldyq alaŋy» jobasy aiasynda jüzege asyp jatqan jūmys­tarǧa qysqaşa şolu jasap, bılım beru salasyndaǧy sybailas jemqorlyqqa qarsy ıs-qimyl jäne ony aldyn alu boiynşa qabyldanǧan şaralar turaly aityp berdı.
– Jaqynda bız «Adaldyq alaŋy» jobasy jūmysynyŋ qorytyndysyn äzırledık. Osy baǧytta jyl boiy qoǧamdyq ūiymdarmen, joba ökılderımen kezdesıp, pıkırlerın tyŋdadyq. Al bügıngı jiynnyŋ basty maqsaty – elımızdegı jemqorlyqqa qarsy strategiianyŋ jüzege asyru täjıribesın, äsırese, bılım salasyndaǧy jürgızılıp jatqan jūmystardyŋ nätijesın bır ekşep alu. Būl tarapta bıraz ıs-şara jürgızılgenı mälım. Sonyŋ nätijesınde bas şaharda jemqorlyq deŋgeiınıŋ tömendeuı baiqalady. Şyn mänınde, sybailas jemqorlyqtyŋ aldyn aludaǧy maŋyzdy jūmystyŋ bırı – tüsındıru. Keibır jaǧdaida bır­den dauys şyǧarmai özara tüsındıru şarasyn ūiym­das­tyrǧan jön. Sebebı dūrys tüsınıspeuşılıktıŋ soŋy keide jaqsylyqqa aparmaidy, – dedı äkım orynbasary.
Nūr-Sūltan qalasy bo­iynşa departamentı basşysynyŋ bırınşı orynbasary Jazira Jylqyşieva QR zaŋnamalyq aktılerıne sybailas jemqorlyqqa qarsy ıs-qimyl mäselelerı boiynşa engızılgen jaŋaşyldyqtar turaly aityp, agenttıktıŋ parasattylyq, ädıldık jäne adaldyqty qalyptastyruǧa baǧyttalǧan jūmysynyŋ basym baǧyttaryn tüsındırdı.
Odan keiın aqparattyq-­lektorlyq ştab müşelerı Erbol Irgebai men akter ­Ernar Jūmataev memlekettık qyzmetşıler, kvazimemlekettık sektor ökılderı, eŋbek ūjymdary men jalpy halyq arasynda sybailas jemqorlyqqa qarsy mädeniettı qalyptastyru boiynşa jūmys jürgızetın lektorlyq toptyŋ jūmysy turaly baiandady.