Beisenbı künı Ortalyq qommunikasiialar qyzmetınde aldaǧy oqu jylynda orta bılım beru ūiymdaryn oqulyqtarmen qamtamasyz etu mäselesı aityldy. QR BǦM Bılım jäne ǧylym salasyndaǧy baqylau komitetınıŋ töraǧasy Saiat Nüsıpov pen mektepke deiıngı jäne orta bılım, aqparattyq tehnologiialar departamentınıŋ direktory Jaŋyl Jontaeva jurnalisterdıŋ sūraqtaryna jauap berdı.
Jiynda jalpyǧa mındettı bılım beru standartyna säikes (2012 jylǧy) 2, 3, 4, 5, 6, 9, 10 jäne 11-synyp oqulyqtarynyŋ jaŋartylyp basylǧany belgılı boldy. Al, kelesı jyly 7-8-synyp oqulyqtary jaŋartylyp, 1-synypqa arnalǧan oqulyqtar jaŋartylǧan orta bılım mazmūnynyŋ oqu baǧdarlamasy boiynşa oqu prosesıne engızıledı. Ministrlıkte mektep oqulyqtarynyŋ sapasyn jaqsartu maqsatynda saraptamalyq şeşımnıŋ jaŋa ülgısı äzırlenıptı. Bügınge deiın jüzden astam oqu ädebietterınıŋ sarapşy, avtorlary bılım sapasyn arttyru kurstaryna qatysqan eken.
Jiynda tılşıler jyl saiyn jaŋa oqu jyly qarsaŋynda ata-analardy äbıgerge salatyn oqulyq tapşylyǧyn söz ettı. Būl mäsele boiynşa spikerler «2012 jylǧa deiın tegın oqulyqtar tek äleumettık jaǧdaiy tömen otbasylaryna berılıp keldı. Respublikadaǧy barlyq oquşylardy bırden tegın oqulyqpen qamtu mümkın emes. Mysaly, biyl 4 synypqa, kelesı jyly 3 synypqa oqulyq jıberemız. Osylaişa, mäselenı kezeŋ-kezeŋ boiynşa şeşemız» dep jauap berdı.
Sondai-aq, Saiat Nüsıpov däl qazır oqu kıtaptaryn öŋırlerge jöneltu jūmystary qarqyndy jürıp jatqandyǧyn habarlady. «Oqulyqtar orta bılım beru ūiymdaryna 10 tamyzǧa deiın jetkızıluı tiıs. Ata-analar sol kezden bastap oqulyq tügendeudıŋ qamyna kırıskenı jön. Jūmys däpterlerı, atlas, karta sekıldı qosymşa qūraldardy da aldyn ala satyp alyp qoisa, qyrküiekte eşkım äure-sarsaŋǧa tüspeidı» dedı Saiat Nūrmūhamedūly.
20 şıldedegı mälımet boiynşa, Astana men Almaty qalalarynyŋ bılım beru ūiymdaryna oqulyqtardyŋ 98 paiyzy jetkızılgen. Osy oraida, Jaŋyl Jontaeva ötken jyly oqulyqtar tolyq jetkızılmegen tört oblystaǧy bılım salasynyŋ basşylaryna sögıs berılgendıgın aitty.
1-31-tamyz aralyǧynda Bılım jäne ǧylym ministrlıgı barlyq öŋırlerde «Mektep oqulyǧy» aksiiasyn ötkızgelı otyr. Aksiia «Kıtap qoryn tekser!», «Mektep oqulyǧy» jäne «Syilyqqa oqulyq» atty üş kezeŋnen tūrady. Sonymen qatar, 1-qyrküiek künı mektep tabaldyryǧyn alǧaş attaǧan büldırşınderge Elbasynyŋ atynan «Menıŋ Otanym – Qazaqstan» kıtaby syiǧa tartylady.
Roza ÄREN
