Elordamyzdyŋ aişyqty qūlşylyq üiı «Äzıret Sūltan» meşıtınde aqsaqaldar alqasynyŋ 2-kezektı otyrysy bolyp öttı. Qoǧam jäne memleket qairatkerlerınen qūralǧan alqa mäjılısınde Qazaqstan mūsylmandary dıni basqarmasynyŋ Astana qalasy boiynşa ökılı, «Nūr Astana» ortalyq meşıtınıŋ bas imamy Nauryzbai qajy Taǧanūly biylǧy jartyjyldyqta elordalyq meşıtterde atqarylǧan jūmystar jönındegı esebı jaily mälımdedı.
Ökıl imamnyŋ sözıne süiensek, QMDB jariialaǧan «Dın men dästür» jyly aiasynda qūrylǧan respublikalyq jäne aqparattyq nasihat toptary bügınge deiın 18 840 adamdy qamtyǧan. «Tärbie men bılım – egız» jobasy aiasynda JOO-daryna qarasty 9 jataqhanada tärbie saǧattary ötkızılse, mektep tülekterıne arnalǧan «Jolyŋ bolsyn, jas tülek» atty ruhani keşke 1800-ge juyq oquşy qatysqan. Al, är jūma saiyn 78500 uaǧyz paraqşalary taratylyp, kaladaǧy 7 meşıtte ornalastyrylǧan nükteler arqyly 32 onlain-därıster aptanyŋ düisenbı jäne seisenbı künderı jürgızıledı. «Äzıret Sūltan» meşıtınde aşylǧan «Hikmet» teleradio keşenınde «Halyq danalyǧy», «Balalarǧa bazarlyq», «Şeşendık sözder», «Aq bata», «Ǧibratnama» sekıldı baǧdarlamalar aşylyp, 8550 SD taspalar taratyldy. Būqaralyq aqparat qūraldarynda 11 maqala jariialanyp, 7 beineuaǧyz, 5 äleumettık rolik tüsırılgen.
Osy aitylǧan aqparattarǧa köŋılı tolǧan alqa müşelerı meşıt ūjymy atqaryp jatqan ısterge oŋ baǧasyn berıp, öz ūsynys, pıkırlerın de ortaǧa tastady. Alqa töraǧasy professor, filosofiia ǧylymynyŋ doktory Ǧarifolla Esım atqarylǧan ısterge toqtala ötıp, «Dın salasyndaǧy qyzmet şyndyǧynda bazbıreuler oilaǧandai oŋai ıs emes ekenın bügıngı elorda meşıtterınıŋ jartyjyldyq esebınen baiqap otyrǧan bolarsyzdar. Keibır adamdar moldanyŋ ısı tek Qūran oqyp, halyqtyŋ sadaqasyn qaǧyp otyru degen taiaz pıkır aitady. Men meşıt qyzmetkerlerı tarapynan atqarylyp jatqan, äsırese, qaiyrymdylyq şaralaryna basa nazar audarǧym keledı. Mümkınşılıgı şekteulı, mūqtaj otbasylarǧa 5 mln teŋge somasynda kömek körsetıldı. Būl degenımız – ülken eŋbek» dedı.
Öz kezegınde «Nūr Astana» meşıtınıŋ bas imamy Nauryzbai Taǧanūly qaladaǧy ülken meşıtterde ǧana qarjylyq mümkındıkter bolatynyn, al odan özge, qaladan tysqary ornalasqan meşıtterde, şyndyǧynda, meşıt qyzmetkerlerıne tölener jalaqynyŋ özı mardymsyz ekenın aitty. Äsırese, jyl saiyn keletın qasiettı Ramazan aiynda är keşte jamaǧatqa arnalyp jaiylatyn auyzaşar dastarhanyna jūmsalar qarajat 250-300 myŋ teŋge şamasynda bolsa, otyz kün boiy auyzaşar daiyndau oŋai şarua emes ekenı beseneden belgılı. Osy rette, dın janaşyrlary, käsıpker azamattardyŋ aianbai atsalysyp jatqanynyŋ özı eldegı ahualdyŋ alǧa jyljyp kele jatqandyǧynyŋ körınısı ekenın atap öttı ökıl imam.
Jaiyq NAǦYMAŞ
