Mümkındıgı şekteulı jandardyŋ erkın jürıp-tūruy, eŋbekke aralasuy – ünemı basty nazarda. Bügınde Astanada 19 481 mügedek ömır sürude. Onyŋ ışınde kämelettık jasqa tolmaǧandar sany – 3 166. Būl toptaǧy qala tūrǧyndaryna äleumettık qoldau körsetudıŋ jaiy qalai? Osy jaily bızge Eŋbek, äleumettık qorǧau jäne köşı-qon komitetı departamentınıŋ basşysy Dämejan Säduaqasova hanym aityp berdı.
– Mügedekterdıŋ memleket tarapynan äleumettık jäne arnaiy järdemaqy aluǧa qūqy bar. Al jūmys ıstep jürıp eŋbek etu qabıletınen aiyrylǧandar Äleumettık saqtandyru qorynan ötemaqy ala alady. Kembaǧal bala kämelettık jasqa tolǧanǧa deiın olardyŋ asyrauşylaryna eŋ az eŋbekaqy mölşerınde järdemaqy tölenedı.
Mügedekterdı oŋaltudyŋ jeke baǧdarlamasyna säikes, jarymjandar jergılıktı biudjet qarajatynan jürıp-tūru aqysyn alyp, surdo-tiflo qūraldarymen, protezdık-ortopediialyq kömekpen, sondai-aq, mındettı gigienalyq zattarmen qamtamasyz etıledı. Mügedekterge ūsynylatyn qoldanystaǧy tehnikalyq kömek qūraldarynyŋ tızımıne kohlearlyq implanttarǧa däldep söileu prosessorlary qosyldy.
– Sauyqtyru jūmystary jürgızıledı me?
– Medisinalyq oŋaltudyŋ bır joly – sanatorlyq-kurorttyq emdeu. Osy boiynşa em qabyldaudyŋ talabyna mügedektıŋ medisinalyq körsetkışterı sai bolsa, onda därıgerlık keŋes komissiiasy şeşımımen oŋaltudyŋ jeke baǧdarlamasyndaǧy medisinalyq-äleumettık saraptama bölımıne jügınu qajet. Eger qūjattary daiyndalyp, būryn kezekke tūrǧandar bolsa, olar Burabai aimaǧynda ornalasqan Qatarköl oŋaltu ortalyǧynda emdeledı. Elordalyqtar sanatorlyq-kurorttyq emdeluge qalalyq Jūmyspen qamtu jäne äleumettık baǧdarlamalar basqarmasynyŋ joldamasy arqyly bara alady.
– Mügedekterdıŋ qūqyqtary turaly BŪŪ konvensiiasy bekıtılgennen soŋ mümkındıgı şekteulılerdıŋ jaǧdaiyn jaqsartu üşın qandai şaralar ūiymdastyrylady?
– Būl konvensiianyŋ bekıtıluı bızge ülken jauapkerşılık jükteidı. Mügedekterdıŋ qūqylaryna qatysty standarttar engızılgennen keiın olardyŋ tūrǧyn üige jäne äleumettık infraqūrylym nysandaryna qoljetımdılıgın qamtamasyz etudı nazarda ūstau qajet.
Kemtar balalary bar ata-analarǧa kömek körsetu üşın biyl mausymnan bastap Onlain-qoldau qyzmetı jūmys ıstep jatyr. Ata-analar nemese tärbieleuşıler 1411 nömırı arqyly «SKYPE» baǧdarlamasymen bailanysyp, Onlain-qoldau qyzmetınen tegın kömek sūrai alady.
Sonymen qatar, «Halyqqa qyzmet körsetu ortalyǧy» RMK-da 1 jäne 2-top mügedekterı üşın «Mümkındıgı şekteulı tūlǧalardyŋ üilerıne qyzmetkerdıŋ baruy» qyzmetı engızılgen. HQO qyzmetkerlerı memlekettık qyzmet körsetu üşın habarlasqannan soŋ 72 saǧat ışınde mügedektıŋ üiıne barady.
Daiyndaǧan:
Orynbek PAZYLOV
