Elordada Nur Otan partiiasy atynan mäslihat deputattyǧyna ümıtkerler Paralimpiadalyq jattyqtyru ortalyǧynda mümkındıgı şekteulı sportşylarmen jüzdestı. Nasihat jūmystary aiasynda ūiymdastyrylǧan kezdesude nūrotandyqtar atalmyş saladaǧy tüitkıldı mäselelerdı talqylap, şeşımın tabuǧa uäde berdı.
Jiynǧa qatysqan Nur Otan partiiasy qalalyq filialy töraǧasynyŋ orynbasary Vladislav Sergeev, «Qazaqstan futbol federasiiasy» bas hatşysy Azamat Aithojin, «Aqmola qūrylys materialdary» JŞS baqylau keŋesınıŋ töraǧasy Bauyrjan Smailov sportşylardy kölıkpen qamtamasyz etu jäne sporttyq jabdyqtardyŋ qoljetımdı boluyna jaǧdai jasau jaiyna toqtaldy.
– Qazaqstanda jasalatyn aiaqqa arnalǧan protezder sapasy naşar. Bır jylǧa jetpei synyp ketedı. Germaniia, Japoniia, Amerikada öndırıletın protezdermen jügıruge bolady. Al bızde ondai atymen joq. Qazır sportşylarymyz otandyq protezderdı qoldanady. Olar da dalada seruendep, jūrt qatarly jürgısı keledı. Al oǧan aiaǧyndaǧy protezı şydamaidy. Sondyqtan sapasynyŋ naşarlyǧy sportşylarymyzdyŋ mümkındıgın şektep otyr, – dedı otyryp oinau voleibolynan Qazaqstan qūrama komandasynyŋ bas jattyqtyruşysy Bauyrjan Tahauov.
– Aiaq-qol protezderınıŋ sapasyn aityp jatyr. İä, damyǧan elderde şyǧarylyp jatqan protezder sapasy joǧary. Menıŋ oiymşa, protez öndıretın 3 zauyt elımızge azdyq etedı. Zauyttar sanyn arttyru qajet, sonda ǧana özara bäseke paida bolady ärı önımderınıŋ sapasy joǧarylaidy. Būl da eskerıletın dünie. Qalamyzda paralimpiadalyq sport keşenderı köbırek salynuy qajet. Sebebı sportşylarymyz mümkındıgı şekteulı ekenın sezbeuı kerek. Sol üşın olarǧa arnaiy tynyǧatyn, uaqytty tiımdı ötkızuge arnalǧan ortalyqtar saluymyz tiıs. Qoǧamnyŋ tolyqqandy müşesı retınde jūmys ıstep, sportpen şūǧyldanuy qajet. Sonda ǧana olardyŋ jaǧdaiy jaqsarady, – dedı «Aqmola qūrylys materialdary» JŞS baqylau keŋesınıŋ töraǧasy Bauyrjan Smailov.
Nūr-Sūltan qalasyndaǧy Nur Otan partiiasy sailau qorynyŋ qarajatynan tölendı.