Astanada aua raiy qūbylmaly. Qaŋtar bastalǧaly ainala aq qar, kök mūz. Aiaǧyŋyzdy aŋdamai bassaŋyz, jazataiym jaraqat alyp, auruhanadan bır-aq şyǧuyŋyz äbden mümkın. Osyny eskergen qalanyŋ kommunaldyq qyzmetterı elorda köşelerındegı qatqan mūzdy oiyp, jaiau jürgınşılerge arnalǧan joldardy qardan tazartu jūmystaryn qarqyndy jürgızude.
Biylǧy jauǧan qarda esep joq. Jyl bastalysymen eselei tüsken aq ūlpa elordalyqtardy edäuır äbıgerge saldy. Qala tazalyǧyna jauapty mamandar bolsa kün demei, tün demei negızgı köşeler men trotuarlardaǧy mūzdy oiyp, qarmen arpalysyp jatyr.
Qalada qar tazalau, ony şyǧaru jūmystary qarqyndy jürgızılude. Äsırese, qalyŋ qardyŋ kesırınen kölık keptelısterınıŋ aldyn alu şaralary bırınşı kezekke qoiylǧan.
Jol jūmysşylary da tynym tappai eŋbek etude. Olardyŋ arasynda jastarmen bırge orta jastan asqan äielder de jür. Solardyŋ bırınıŋ janyna jaqyn kelıp, äŋgımege tarttym.
– Osy salada jūmys ıstep jürgenıme tört jylǧa juyqtady. Yŋǧaily jūmys tabylmaǧan soŋ, köşe tazalauǧa kelıstım. Şaruadan eş qaşpaimyn. Jazda ystyqqa, qysta aiaz ben suyqqa qaramai eŋbek etemız. Ärine, mūz oiyp, qar tazalau oŋai jūmys emes, bıraq adam balasy basyna tüskennıŋ bärıne de üirenıp alady eken. Qazır ıstep jürgen käsıbım özıme ūnaidy. Jalaqymyz jaqsy, jetedı, bastysy, keşıktırmeidı, uaqytymen berıp tūrady. Būdan artyq ne kerek bızge?, – dedı jūmysşy Erkegül Zulqapil.
Qys mezgılınıŋ basynan berı poligondarǧa şamamen 2,2 mln tekşe metr qar men mūz qala syrtyndaǧy poligonǧa jöneltıldı. Sondai-aq qalanyŋ barlyq audanynda – qoǧamdyq oryndarda, kvartalışılık aumaqtarda, trotuarlarda, aialdama pavilondarynda tūz aralasqan qūm qospasy sebılude
Jüzınen bügıngı tırlıgıne täube etkenı aŋǧarylady. Jasynan jūmystyŋ auyryn da, jeŋılın de talǧamai ıstep daǧdylanǧany türınen körınıp tūr. Eptı eken. Qasyndaǧy jıgıtterden bır sätke de qalysar emes. Qimyly şiraq. Tabiǧatynan byljyrlyqty ūnatpaityn syŋaily. Özıne tapsyrylǧan aumaqty tezdetıp tazalauǧa bar küş-jıgerın saluda.
İä, bügınde äielder aralaspaǧan sala kemde-kem. Uaqytpen sanaspai, aua raiynyŋ qolaisyzdyǧyna da qaramai auysymmen jūmys ısteitın kommunaldyq şaruaşylyq salasy jūmysşylarynyŋ arasynda keiıngı kezderı näzık jandylar qatary köbeiıp keledı. Tıptı, olardyŋ ışınde orta jastan asqan, mosqaldau äielder köp eken.
Qalada qar küreu jūmystary da belsendı jürıp jatyr. Būl rette bırınşı kezekte ortalyq daŋǧyldar men halyq köp jüretın aumaqtarǧa basa nazar audaryluda.
Mamandardyŋ mälımdeuınşe, kün saiyn taŋerteŋnen bastap būl ıske ekı myŋnan astam jol jūmysşy men myŋnan astam arnaiy tehnika jūmyldyrylady. Soŋǧy tünı elordadan 32 myŋ tekşe metr qar nemese 2 535 auyr jük kölıgıne teŋ qar şyǧaryldy.
Qys mezgılınıŋ basynan berı poligondarǧa şamamen 2,2 mln tekşe metr qar men mūz qala syrtyndaǧy poligonǧa jöneltıldı. Sondai-aq qalanyŋ barlyq audanynda – qoǧamdyq oryndarda, kvartalışılık aumaqtarda, trotuarlarda, aialdama pavilondarynda tūz aralasqan qūm qospasy sebılude.
Jol jūmysşylarynyŋ eŋbegıne elordalyq zeinetkerler dän riza. Köşe qiylysynda kezdesken qart kısı olarǧa alǧysyn jetkızdı.
– Bızge, ärine, egde jastaǧy adamdar üşın jai künderı qalada jürıp-tūru oŋai emes. Al qysta auladaǧy därıhanaǧa baryp-kelu men üşın azappen teŋ. Qartaiǧanda bır jerımdı syndyryp alamyn ba dep qauıptenemın. Kün suysa üiden şyǧuǧa qorqamyn. Barlyq jer taiǧaq. Terezeden telmırıp qarap otyramyn, kım keler eken dep. Bügın jyly bolǧan soŋ aqyryn şyqqanym ǧoi. Al suyqty eleŋ qylmai, dalada dırdeŋ qaǧyp, el igılıgı jolynda erınbei eŋbek etıp jürgen jandarǧa alǧystan basqa aitarym joq. Jaqynda kün jylynyp, mūz eridı dep ümıttenemız, – dedı zeinetker Aiman Düisenqyzy.
Taiǧaq jerlerde qūlap, jaraqat almas üşın elorda tūrǧyndary men qonaqtary qozǧalys erejesın qataŋ saqtauy kerek. Ainalamyzdaǧy dükender, sauda ortalyqtary jäne basqa da qoǧamdyq mekeme ielerı öz aumaqtaryndaǧy qardy jinau, kıreberıstegı mūzdy jäne özderıne bekıtılgen aumaqty uaqytyly tazartu jūmystaryn der kezınde atqaryp otyrsa igı.
